Хаартыска: СӨ Билим дьоҕус академията.
Дьокуускайга 30-с төгүлүн математикаҕа, физикаҕа, химияҕа, информатикаҕа “Туймаада” норуоттар икки ардыларынааҕы үөрэнээччилэр олимпиадалара ыытыллыаҕа.
Олимпиада от ыйын 2-10 күннэригэр очнай-дистанционнай көрүҥүнэн барыаҕа.
Бэс ыйын саҥатынааҕы туругунан, Новосибирскай, Пенза, Свердловскай, Москва уобаластарыттан, Ставропольскай кыраайтан, Татарстан, Бурятия өрөспүүбүлүкэлэриттэн, Казахстантан, Синграпуртан, Румынияттан, Индонезияттан 100-тэн тахса оҕо кыттарын туһунан сайаапкаларын ыыппыттара. Саха сирин 56 кыттааччылаах икки сүүмэрдэммит хамаанда (кыралар уонна улахаттар) көмүскүөҕэ.
Олимпиада үөрэнээччилэр уонна ыччат интеллектуальнай кыаҕын сайыннарыыны көҕүлүүр, фундаментальнай билиминэн дьарыктанарга сирдиир, норуоттар икки ардыларынааҕы бииргэ үлэлэһии уонна билсии көрүҥүн кэҥэтэр соруктаах.
Садаачалар усулуобуйаларын биридимиэтинэй мэтэдиичэскэй хамыыһыйа нууччалыы уонна аангылыйа тылынан бэлэмнээбитэ. Ааптардар мэтэдиичэскэй хамыыһыйа чилиэнинэн хаһыс да сылын үлэлииллэр, кинилэр кэккэлэригэр Москватааҕы физика-тиэхиньикэ институтун, Москва, Санкт-Петербург, Ярославскай, Поволжскай, Хотугулуу-Илиҥҥи университеттар преподавателлэрэ уонна устудьуоннара, РНА СС Докуускайдааҕы научнай киинин билимҥэ үлэһиттэрэ бааллар.
Олимпиада эспиэртэринэн Бүтүн Арассыыйатааҕы уонна норуоттар икки ардыларынааҕы таһымнаах олимпадалар Арассыыйаҕа биллэр-көстөр дьүүллүүр сүбэлэрин уонна мэтэдиичэскэй хамыыһыйаларын чилиэннэрэ буолаллар: бэрэпиэссэрдэр, преподавателлэр, аспираннар, үрдүк үөрэх устудьуоннара – урукку сыллардааҕы “Туймаада” олимпиадаҕа миэстэлэспиттэр.
Олимпиаданы СӨ Үөрэҕин уонна билимин министиэристибэтэ, М.К. Аммосов аатынан Хотугулуу-Илиҥҥи федеральнай университет, СӨ Билим дьоҕус академията тэрийэн ыыталлар.
СӨ Билим дьоҕус академията.
Алдаҥҥа кыбартыыраҕа баһаарга 51 саастаах дьахтар суорума суолланна, 62 саастаах эр киһи эмсэҕэлээтэ диэн СӨ…
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…