Москваҕа Саха АССР 100 сылыгар аналлаах Саха сирин күннэрин иитинэн, РФ Тас дойдуга дьыалаларын министиэристибэтигэр Саха Өрөспүүбүлүкэтэ эрэгийиэн экэниэмикэҕэ, инвестицияҕа уонна туризмҥа ис кыаҕын кэскилин билиһиннэрдэ. Тэрээһини (презентация) Арассыыйа тас дойдуларга дьыалаларын миниистирэ Сергей Лавров аста.
Манна 20 посол, 34 дойду бэрэстэбиитэлэ, 64 посол куорпуһун бэрэстэбиитэлэ сырытта.
“Быйыл Саха сиригэр үбүлүөйдээх сыл. Саха сирэ Арассыыйа судаарыстыбатын састаабыгар киирбитин, Саха АССР тэриллибитэ 100 сылын бэлиэтииллэр. Бүгүҥҥү тэрээһин сүрүн миэстэни ылыаҕа. Норуоттар икки ардыларынааҕы сайдыыны көҕүлээһиҥҥэ бииргэ үлэлэһэргэ этиилэри истэргэ аһаҕас, ураты эрэгийиэн экэниэмикэҕэ, инвестицияҕа, туризмҥа ис кыаҕын, култууратын, устуоруйатын билсэр кыах үөскээтэ”, — диэн Сергей Лавров кыттааччыларга туһаайан эттэ.
Эрэгийиэн сүрүн ситиһиилэрин, экэниэмикэҕэ сайдыытын түһүмэхтэрин уонна уларыйыылар туһунан Ил Дархан Айсен Николаев билиһиннэрдэ. Кини бырамыысыланнас, креативнай экэниэмикэ, успуорт олоххо киирэр бырайыактарынан ыалдьыттар болҕомтолорун тарта итиэннэ эрэгийиэн салгыы сайдыытын, экэниэмикэтин уонна туризмҥа былааннарыттан кэпсээтэ.
“Биһиги экэниэмикэҕэ ситиһиилэрбитин эрэ буолбакка, култуураҕа, социальнай эйгэҕэ, туристическай кыахха ситиһиилэрбитин эмиэ билиһиннэрэбит. Билиҥҥи курдук судургута суох кэмҥэ биһиги Арассыыйа эрэгиийэннэрэ дойдубут курдук сайдыылаахтарын, иннилэрин диэки хардыылаан иһэллэрин, атын дойдуларга туох эрэ этиилээх, Арассыыйа туһугар бииргэ үлэлииргэ бэлэм, уһулуччулаах, талааннаах дьонноохторун аан дойду көрүөхтээх дии саныыбын”, — диэн Ил Дархан тэрээһин кэнниттэн санаатын эттэ.
Сергей Лавров Саха сирэ норуоттар икки ардыларынааҕы тас экэниэмикэ сибээһэ сайдарыгар өрөспүүбүлүкэ салалтата ылынар дьүккүөрүн бэлиэтээтэ. Тас дойду дьыалаларыгар министиэристибэ балары салгыы таһаарыыга өйүүргэ бэлэмин биллэрдэ. “Биһиги министиэристибэбит эрэгийиэн салалтата чопчу соруктааҕын уонна урбаан эргииригэр, инвестицияны киллэриигэ саҥа дьону сыһыарар, култуура гуманитарнай сибээстэрин кэҥэтэр, туризмы үрдэтиигэ атастаһар көрүүлэрин үөрүүнэн ылынабыт. Аан дойдуга тахсар хабааны учуоттаан туран, бу сыраны салгыы өйүөхпүт”, — диэн эттэ. Маны тэҥэ, миниистир “Азия оҕолоро” оонньууну ыытыы уопутун бэлиэтээтэ. Бу туһунан Ил Дархан уонна СӨ Бырабыыталыстыбатын пресс-сулууспата суруйар.
Андрей СОРОКИН хаартыскаҕа түһэриилэрэ.
Саха сиригэр нэһилиэнньэ дьарыктаах буолуутун Судаарыстыбаннай сулууспатын бырайыага - "Саха сиригэр үлэлээ" бэстибээл 2025 с. ыччат…
Өбүгэлэрбит хайдах күн-дьыл буолуон эндэппэккэ билэллэрэ. Айылҕа араас көстүүтүн, оту-маһы, кыылы-сүөлү кэтээн көрөллөрүн туһунан элбэхтэ…
Горнай улууһун Маҕарас сэлиэнньэтин элбэх оҕолоох ыаллара, 34 саастаах Саргылаана уонна Айтал Никаноровтар “Дьиэ кэргэн-2025”…
Сэтинньи 4-6 күннэригэр Дьокуускайга фашизмы утары өрөспүүбүлүкэтээҕи III пуорум буолаары турар. Дьокуускайга "Норуот уонна аармыйа…
Арассыыйа бэрэсидиэньэ Владимир Путин көҕүлээһининэн Саха сиригэр култуура эйгэтэ сайдар. «Симэх» национальнай киин бэрэсидьиэн Гранынан…
А.Е.Кулаковскай-Өксөкүлээх Өлөксөй аатынан норуоттар сомоҕолоһууларын дьиэтигэр "Эйэ туһугар норуоттар сомоҕолоһуулара" Ыччат пуорума буолла. Тэрээһиҥҥэ ыччат…