Хаартыска: sakha.gov.ru
Саха сирэ Сэбилэниилээх Күүстэр көдьүүстэрин үрдэтиигэ уонна байыастары өйүүргэ туһуламмыт бэйэтин оҥоһуктарын уонна инновационнай технологияларын билиһиннэрдэ.
Билиһиннэрии Ростовскай уобалас “Самбек үрдэллэрэ” түмэл комплексыгар «СВОи приходят на помощь» диэн улахан кэмпириэнсийэ чэрчитинэн ыытылынна.
Бу тэрээһиҥҥэ РФ Бэрэсидьиэнигэр СӨ бастайааннай бэрэстэбиитэлэ – СӨ бырабыыталыстыбатын бэрэссэдээтэлин бастакы солбуйааччы Андрей Федотов кытынна. Соҕурууҥҥу байыаннай уокурук хамандыырын байыаннай-бэлитиичэскэй үлэҕэ солбуйааччытын э.т. М.А.Досугов кэмпириэнсийэ аныгы Арассыыйа устуоруйатыгар ураты сабыытыйа буоларын тоһоҕолоон бэлиэтээтэ: аан бастаан Соҕурууҥу федеральнай уокурук уонна Хотугу Кавказтааҕы федеральнай уокурук 19 субъегын бэрэстэбиитэллэрэ Соҕурууҥҥу байыаннай уокурук подразделениеларыгар көмөнү, өйөбүлү уонна хааччыйыыны биир кэлимник уонна бары хайысханан көмөлөһөр тиһиги оҥосторго муһуннулар. Ол эбэтэр тыыл уонна фронт ыккардыгар көдьүүстээхтик үлэлиир мэхэньииһим оҥоһуллуохтаах.
Бу тэрээһин чэрчитинэн, Саха сирин бастайааннай бэрэстэбиитэлэ Өрөспүүбүлүкэтээҕи хамыыһыйа Москватааҕы суһал штабын үлэтин туһунан «Кыайыыга бииргэ!» диэн дакылааты оҥордо, ол иһигэр байыаннай сулууспалаахтарга социальнай өйөбүлү уонна Саха сиригэр оҥоһуллубут икки технология туһунан кэпсээтэ.
Бойобуой дьайыылары көрдөрүүгэ Саха сирин “АРКТЕХ” ХЭУО билиһиннэрдэ, кинилэр көрөөччүлэргэ “Скелетон” FPV-дрону уонна “Фагот” ПТРК-ҕа аналлаах тепловизионнай прицеллээх ыраахтан салайар пульту көрдөрдө. Маны тэҥэ “Күөх эниэргийэ” ХЭУо Тимир Ат” электроматасыыкылы илдьэн билиһиннэрдэ, диэн иһитиннэрэр Ил Дархан, бырабыыталыстыба пресс-сулууспата.
Бүгүн, ахсынньы 16 күнүгэр Дьокуускай куорат национальнай гимназиятыгар оттук систиэмэтин турбата тоҕо баран, уол оҕо…
Сотору-сотору араас саайтарга “биэнсийэҕэ тахсар саас 5 сылынан эбиллиэ” диэн суруйуулар тахсан социальнай ситиминэн тарҕанан,…
Суһал-сэрэтэр тэрээһиннэр саҕаланыахтарыттан полиция үлэһиттэрэ омук дьоно олорор, үлэлиир 3,2 тыһыынчаттан тахса эбийиэктэрин бэрэбиэркэлээбиттэр. Бу…
Быйылгы тэрээһиҥҥэ физкултуура уонна успуорт эйгэтигэр хас да саҥа анал аат туттарыллыаҕа. Сыл бастыҥ күрэсчиттэрин,…
Саха сиригэр байыаннай дьайыы кыттыылаахтара үлэҕэ ылыллар кубуоталарын 5 тыһыынчаҕа тиийэ улаатыннарыахтара диэтэ Дьарыктаах буолуу…
Дьокуускай куорат национальнай гимназиятыгар 17 саастаах уол итии уу турбата тэстэн эчэйбит. СӨ Доруобуйаҕа харыстабылын…