Хаартыска: www.sakha.gov.ru
Ыам ыйын 27 күнүгэр Айсен Николаев Ил Дархан урбааҥҥа координационнай сэбиэтин мунньаҕын ыытта.
Мунньах кыттыылаахтара аһаҕас кэпсэтии быһыытынан ааспыт сылга урбаанньыттар бырааптарын көмүскээһин үлэтин түмүгүн ырытыстылар уонна 2025 сыллааҕы аччыгый уонна орто биисинэс быраабын тупсарыы сүрүн хайысхаларын дьүүллэстилэр. Айсен Николаев эрэгийиэн экэниэмикэтин сайдыытыгар урбаанньыттар улахан оруоллаахтарын бэлиэтээтэ.
“Күн бүгүн аччыгый уонна орто биисинэһинэн дьарыктанар дьон ахсаана 129,1 тыһ. киһиэхэ тэҥнэһэр – бу өрөспүүбүлүкэҕэ үлэлээх дьон уопсай ахсааныттан чиэппэрэ буолар. Бу көрдөрүү – эһиги көҕүлээһиҥҥит, үлэҕит, туруктаах буолуугут түмүгэ” – диэн кини бэлиэтээтэ. Ил Дархан үрдүк ыстаапка усулуобуйатын кэмигэр биисинэһи өйүүр миэрэлэри кэҥэтэр ирдэнэрин эттэ.
“Билигин судургута суох кэм, үрдүк ыстаапка усулуобуйатын уонна нолуок систиэмэтигэр киирэр уларытыылар кэмигэр биисинэс улахан тургутууну ааһар. Үлэ өссө да элбэх. Бу боппуруоһунан күннэтэ дьарыктанан, Бырабыыталыстыба, Ил Түмэн уонна муниципалитеттар административнай харгыстары намтатыы үлэтигэр дьоһуннаах үлэни ыытаргытыгар көрдөһөбүн. Федеральнай уорганнарынан маннык үлэ барар, үтүө өртүгэр уларыйыылары өссө көрүөхпүт дии саныыбын” – диэн Ил Дархан эттэ.
Сүрүн дакылааты Саха сиригэр урбаанньыттар бырааптарын көмүскүүр боломуочунай Альбина Кычкина оҥордо. Кини иһитиннэрбитинэн, 2024 сылга боломуочуйалаах аатыгар урбаанньыттартан суругунан уонна тылынан ыйытыылары, ону тэҥэ, биисинэс-холбоһуктар этиилэрин киллэрэн туран барыта 568 туһаайыы, сурук киирбит.
Бу туһунан Ил Дархан уонна Бырабыыталыстыба пресс-сулууспата иһитиннэрэр. Сиһилии манна ааҕыҥ.
— Ийээ, мин ити ыраах куоракка устудьуоннуу бардахпына эһиги хайдах дьаһанан олоруоххутуй? Вадимнаах Мариша наһаа кыралар,.. —…
Нерюнгри оройуонугар оробуочай сырыытын кэмигэр Айсен Николаев Шахтер күнүгэр анаммыт миитиҥҥэ кытынна. Ил Дархан Алексей…
Киинэ хас биирдиибит дууһатын кылын таарыйар, долгутар уратылаах буолан, сырдык иэйиини уһугуннарар, араас толкуйу үөскэтэр.…
Бу күннэргэ Өймөкөөн улууһугар от ыйынааҕы уонна атырдьах ыйынааҕы халааннартан эмсэҕэлээбит олорор дьиэлэри, социальнай эбийиэктэри, суолу-ииһи,…
Хас да эдэр киһи хамаанда тэринэн, куорат олохтоохторугар уонна ыалдьыттарыгар Дьокуускай куорат устуоруйатын сиһилии кэпсиир…
Пилота суох көтөр аппарааттар, дирижабллар уонна экранопланнар инникитин хотугу таһаҕаһы тиэрдии — ол эбэтэр, Сибиир уонна…