Саха сирэ Арассыыйа үс эрэгийиэнигэр уонна Белоруссия Өрөспүүбүлүкэтигэр кэриэстэбил бастионнарын туруоруоҕа

“Бастионы памяти” бырайыак иитинэн Саха сирэ Арассыыйа өссө үс эрэгийиэнигэр уонна Белоруссия Өрөспүүбүлүкэтигэр мемориаллары туруоруоҕа. Ити туһунан Ил Дархан Айсен Николаев Судаарыстыбаннай Мунньахха (Ил Түмэн) туһаайыытын кэмигэр эттэ.

“Бастионы памяти” бырайыак чэрчитинэн көрдүүр этэрээттэри кытта кыргыһыы толоонноругар үлэ салҕанар. Бэс ыйын 21 күнүгэр Мамаев Кургааҥҥа Саха сириттэн төрүттээх Сталинграды көмүскээбит дьоҥҥо аналлаах өйдөбүнньүк бэлиэни (обелиск) туруорбуппут. Иккис меморил атырдьах ыйын 24 күнүгэр Новгородскай уобаласка аһыллыбыта, онно 1589 биир дойдулаахпыт аата үйэтитилиннэ. Ахсынньы 17 күнүгэр — Смоленскай уобалас Гагарин куоратыгар. Пааматынньыктар норуот, тэрилтэлэр үптэринэн тутуллаллар. Эһиил Калужскай уобаласка мемориал туруоҕа, салгыы — Ростовскай уобаласка, Донецкай Норуодунай Өрөспүүбүлүкэҕэ уонна Белоруссия Өрөспүүбүлүкэтигэр” – диэн Айсен Николаев эттэ.

Бу туһунан Ил Дархан уонна Бырабыыталыстыба пресс-сулууспата суруйар.