Саха сирэ тирэхтээхтик олорор Арассыыйа 35 эрэгийиэнин иһигэр киирдэ

Арассыыйаҕа тирэхтээхтик олорор 35 эрэгийиэни ааттаатылар. Кимнээх саамай үрдүк хамнастаах уонна сааҥсыйаҕа баттаппакка олороллоруй?

Ол курдук, Ямало-Ненецкэй автономнай уокурук, Ненецкэй автономнай уокурук уонна Чукотка 35 бастыҥ иһигэр киирбиттэр. Кинилэр социальнай-экэнэмиичэскэй тирэхтэрэ үчүгэй эбит. Бу туһунан 2022 сыл үһүс кыбаарталын Росстат дааннайыгар олоҕуран Гражданскай уопсастыба пуондатын чинчийиитигэр этиллэр. Ааптардар бэлиэтииллэринэн, бу кэм устата орто хамнас дойду үрдүнэн намтаабыт, оттон эрэгийиэннээҕи бородуукта сыаната үрдээбит. Эспиэртэр бу көрдөрүүнү сокуон өттүнэн сөптөөҕүнэн ааҕаллар. Тоҕо диэтэххэ, Арассыыйа сааҥсыйаны көрсүбүт. Ол да буоллар, дойду экэниэмикэтэ куһаҕана суох көрдөрүүлээх. Кириисис саҥа саҕахтары арыйар аналлаах. Ол курдук, саамай ситиһиилээх Ямало-Ненецкэй автономнай, Ненецкэй автономнай, Ханты-Мансийскай автономнай уокуруктар, Чукотка, Сахалин уобалаһа, Москва, Магадаан уобалаһа, Саха сирэ, Санкт-Петербург, Мурманскай уобалас, ону сэргэ Коми өрөспүүбүлүкэтэ буолаллар.