Саха сирэ «Азия оҕолоро» оонньуулар эбийиэктэрин өрөмүөнүгэр 1 млрд солк. аттарыаҕа

Саха Өрөспүүбүлүкэтэ   2023-2024 сылларга «Азия оҕолоро» VIII норуоттар икки ардыларынааҕы спортивнай оонньууларга 1 млрд солк. көрүөҕэ.  Бу туһунан Ил Дархан Айсен Николаев Петербурдааҕы норуоттар икки ардыларынааҕы пуорум кэмигэр биэрбит интервьютугар эттэ. Бу туһунан  ТАСС суруйар.

«2023-2024 сылларга успуорт  эбийиэктэрин өрөмүөннээһиҥҥэ  1 млрд солк. көрүллэн, номнуо туһаныллан эрэр. Билигин өрөмүөн үлэлэрэ саҕаланнылар», — диэтэ  Николаев.

Уопсайа күрэхтэһиилэргэ успуорт  24 көрүҥэ Дьокуускайга  16 эбийиэгинэн ыытыллыаҕа.

Ил Дархан иһитиннэрбитинэн, күрэхтэһиигэ 40 дойдуттан 3 тыһыынча спортсменнар  кытталлара күүтүллэр.

Оонньуулар ахсыс төгүлүн 2024 сылга бэс ыйын 25 күнүттэн от ыйын 7 күнүгэр диэри ыытыллыахтара.  Николаев этэринэн, 2024 сылга туһааннаах оонньуулар Арассыыйаҕа ыытыллар бөдөҥ күрэхтэһиинэн буолуохтара.