Саха сирэ байыаннай дьайыы буола турар сиригэр 15 «Сокол» квадроциклы тиксэрдэ

Байыаннай дьайыы буола турар сиригэр сылдьар Саха сирин байыастарыгар Саха сиринээҕи биир кэлим координационнай киинтэн 15 устуука «Сокол» квадроциклы тиксэрдилэр. Бу туһунан брифинг кэмигэр Дьокуускайга баар киин салайааччытын э.т. Николай Бугаев иһитиннэрдэ.

«Маны таһынан Саха сириттэн аадырыстаах баһыылкалардаах уонна массыынаны тиэммит улахан фургон айаннаабыта. Бээтинсэҕэ өссө икки автофургон айанныаҕа», — диэн Николай Бугаев этэр.

Николай Бугаев өрөспүүбүлүкэҕэ үһүс төгүллээн ыытыллар «Илии сылааһа» диэн куонкурус бастакы түһүмэҕэ саҕаламмытын туһунан иһитиннэрдэ. Бу куонкуруска кыттааччылар байыастарга таҥас тигэргэ күрэхтэһиэхтэрэ. Кыайыылаахтары иистэнэр массыыналарынан наҕараадалыахтара.