Саха сирэ байыаннай дьайыы кыттыылаахтарыгар гуманитарнай көмөнү ыытар

СӨ суһал ыстааба байыаннай дьайыы кыттыылаахтарыгар уочараттаах гуманитарнай көмөтүн ыытар.

Бу туһунан СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйыыга миниистири солбуйааччы Яна Наумова иһитиннэрдэ.

Кини чугастааҕы күннэргэ ас-үөл байыастарга тиэрдиллиэхтээҕин эттэ.

—Тирэх пууннар байыаннай дьайыы кыттыылаахтарын хааччыйыыга тиһиктээхтик үлэлэһэллэр. Норуот сомоҕолоһуутун күнүн көрсө, ас-үөл байыастарга бу нэдиэлэҕэ тиэрдиллиэхтээх. Бу биһиги байыастарбытын өйүүргэ уопсай көмөбүт, өйөбүлбүт, — диэн этэр Яна Наумова.

Маны таһынан гуманитарнай көмө саҥа баартыйата ыытыллаары турар. Өлүөнэнэн сырыы тохтуор диэри өссө үс рейс оҥоһуллуохтаах, онно тиэхиньикэ, гуманитарнай көмө, өрөспүүбүлүкэ олохтоохторуттан аадырыстаах баһыылкалар барыахтаахтар.

Көмөнү оҥорууга, тиэрдиигэ тэрилтэлэр, уопсастыбаннай организациялар уонна биирдиилээн дьон кытталлар.

Сиһилии: https://www.sakha.gov.ru/news/14204

СӨ Ил Дарханын уонна Бырабыыталыстыбатын пресс-сулууспата