Саха сирэ байыаннай дьайыыга уочараттаах көмөтүн ыытыаҕа

Территориятааҕы тирэх пууннар Саха сириттэн анал байыаннай дьайыыга сылдьар байыастарга анаан тэрилтэлэр уонна кэллэктииптэр хомуйбут гуманитарнай көмөлөрүн уонна тиэхиньикэлэрин уочараттаах баартыйатын ыытарга былаанныыллар.

Бу туһунан балаҕан ыйын 24 күнүгэр брифиҥҥэ СӨ Гражданскай оборонаҕа уонна нэһилиэнньэ олоҕор куттал суох буолуутун хааччыйыыга миниистирэ Дмитрий Лепчиков иһитиннэрдэ.

«Итини таһынан Илин байыаннай уокурук сайаапкатынан анал байыаннай дьайыыга туруоруллубут соруктары быһаарарга байыаннай формированияларга пилота суох көтөр аппарааттар бэриллибиттэрэ», – диэн Дмитрий Лепчиков бэлиэтээтэ.

Өрөспүүбүлүкэ Суһал ыстааба Саха сириттэн анал байыаннай дьайыыга сылдьар байыастары саа сэбинэн уонна тиэхиньикэнэн эбии хааччыйыыга үлэтин салҕыыр.