СӨ Ил Дарханын уонна Бырабыыталыстыбатын пресс-сулууспатын хаартыската
РФ Бырабыыталыстыбатын Бэрэссэдээтэлин солбуйааччы – РФ Бэрэсидьиэнин Уһук Илин федеральнай уокуругун боломуочуйалаах бэрэстэбиитэлэ Юрий Трутнев Саха сиригэр оробуочай сырыытын кэмигэр квадроциклы оҥорор «ЯКТ-Сокол» ХЭУо тэрилтэ бородууксуйатын кытта билистэ.
Кинини кытары өрөспүүбүлүкэ баһылыга Айсен Николаев сырытта. Тэрилтэ оҥорон таһаарар квадроцикллара хаһаайыстыбаҕа уонна куһаҕан суолларга, кумахтаах, бадарааннаах, уулаах-хаардаах, туундара усулуобуйатыгар, о.д.а. сирдэринэн сылдьарга аналлаахтар.
Хампаанньа сылга 120 устуука кэриҥэ тиэхиньикэни оҥорон таһаарар. 2017 сылтан үлэлээн, хампаанньа 800-н тахса квадроциклы атыылаата.
Ааспыт сылтан хампаанньа квадроциклларын анал байыаннай дьайыылар бара турар сирдэригэр тириэрдэр. Онуоха ыарахан уйуктаах «пикап» диэн модель сертификацияны ылбыта. Байыастарбыт биэс квадроциклы ылбыттара, бу күннэргэ аны түөрт тиийиэҕэ.
Анал тиэхиньикэлэргэ сайаапканы өрөспүүбүлүкэ тирэх пууннарын нөҥүө Москваҕа баар Саха сирин Постпредствотын иһинэн Биир кэлим сүрүннүүр кииҥҥэ ыытыллар. Ол курдук, сотору анал байыаннай дьайыылар буола турар сирдэригэр 50 анал тиэхиньикэни ыытарга былаанныыллар.
СӨ Ил Дарханын уонна Бырабыыталыстыбатын пресс-сулууспата
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…