Бүгүҥҥү туругунан Саха сириттэн анал байыаннай эпэрээссийэҕэ кыттааччыларга эбии экипировканан уонна туттар тэрилинэн хааччыйыыга эрдэ бэлэмнэниллибит хантараактарын түһэристилэр. Өрөспүүбүлүкэҕэ пууннарга мунньан баран, салгыы Саха сирин олохтоохторо сулууспалыыр байыаннай чаастарыгар ыытыахтара. Бу туһунан бүгүн брифиҥҥэ өрөспүүбүлүкэ Суһал штабын бэрэссэдээтэлин солбуйааччы, Нэһилиэнньэҕэ куттал суох буолуутун хааччыйыыга госкэмитиэт бэрэссэдээтэлэ Дмитрий Лепчиков иһитиннэрдэ.
Кини байыаннай сулууспалаахтартан киирэр сайаапкаларынан эбии экипировкалары эбии атыылаһар туһунан эттэ .
“Колл-кииннэр нөҥүө байыаннайдартан киирэр сайаапкалары биир кэлим электроннай былаһааккаҕа түмэллэр. Байыаннай сулууспалаахтарбытыгар куттал суох буоларын уонна РФ сокуонун тутуһуу чэрчитинэн, аармыйабытын материальнай-тэхиньиичэскэй өттүнэн хааччыйыы кистэлэҥҥэ тутуллар”, — диэн бэлиэтээтэ Дмитрий Лепчиков.
Дмитрий Лепчиков этэринэн, өрөспүүбүлүкэ мунньар пууннарыгар Саха сириттэн тиийбит байыаннай сулууспалаахтарга туһаналларыгар сыаналаах тэриллэри биэриигэ байыаннай чаастары кытта бииргэ үлэлэһэллэр. Туһааннаах бэрэстэбиитэллэр тус аадырыстаммыт баһыылкалары тиэрдиинэн эмиэ дьарыктаналлар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
хаартыска: тустаах саайтан
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…