Хаартыска: sakha.gov.ru
Саха сирэ 2025 сыл түмүгүнэн Оҕо уонна ыччат «Бастакылар хамсааһыннара» Бүтүн Арассыыйатааҕы уопсастыбаннай-судаарыстыбаннай хамсааһыны сайыннарыыга бастыҥнар кэккэлэригэр киирдэ.
Өрөспүүбүлүкэ оҕолору уонна ыччаты хамсааһын тэрээһиннэригэр уонна бырайыактарыгар тардыыга туруоруллубут сүрүн көрдөрүүлэрин толордо. Бу туһунан эрэгийиэҥҥэ «Бастакылар хамсааһыннарын» сайыннарар Координационнай сүбэ түмүктүүр мунньаҕар бэлиэтэннэ.
СӨ Ил Дархана Айсен Николаев бэлиэтээбитинэн, ситиһиллибит көрдөрүүлэр эрэгийиэҥҥэ хамсааһыны сайыннарыыга систиэмэлээх сыһыан баарын көрдөрөллөр.
«Бүгүҥҥү күҥҥэ биһиги өрөспүүбүлүкэбит Хамсааһын тэрээһиннэригэр оҕолору уонна ыччаты тардыыга сүрүн көрдөрүүлэрин толорбут эрэгийиэнинэн буолар. Бу үүнэр көлүөнэ «Бастакылар хамсааһыннарын» үлэтигэр улахан интэриэһин эрэ буолбакка, уопсайынан өрөспүүбүлүкэҕэ ыытыллар түмүктээх уонна тиһиктээх үлэни бигэргэтэр», — диэн кини эттэ.
Хамсааһын сыллааҕы үлэтин түмүктэрин судаарыстыбаннай былаас уорганнарын, үөрэх систиэмэтин, култуура тэрилтэлэрин, ыччат тэрилтэлэрин уонна муниципальнай тэриллиилэр бэрэстэбиитэллэрэ кыттыылаах мунньахха көрдүлэр. Болҕомто киинигэр тэрийэр-сайыннарар, оҕону уонна ыччаты хабыы, федеральнай уонна эрэгийиэннээҕи бырайыактары олоххо киллэрии, ону таһынан эрэгийиэн уонна муниципальнай таһымнарга салгыы соруктар турдулар.
«”Бастакылар хамсааһыннарын” бэйэлэрэ үлэлиир уонна алтыһар миэстэлэммиттэринэн — суолталаах түгэнинэн эҕэрдэлиэхпин баҕарабын. Ыччат киинин аһыллыытын чэрчитинэн, оҕолор уонна ыччаттар үлэҕэ төһө көҕүлээһиннээхтик уонна көхтөөхтүк кыттыспыттарын, хамсааһын бэйэтэ дьиэлэммититтэн-уоттаммытыттан төһө үөрбүттэрин көрдүм. Өрөспүүбүлүкэ хамсааһын салгыы сайдарыгар эбии күүһү-уоҕу биэриэ диэн эрэнэбин», – диэн Айсен Николаев эбэн эттэ.
Мунньах түмүгүнэн, «Бастакылар хамсааһыннарын» Бүтүн Арассыыйатааҕы бырайыактарын өрөспүүбүлүкэ үөрэҕин тэрилтэлэрин иитэр былааннарыгар салгыы киллэрэр, хамсааһын инфраструктуратын сайыннарар уонна ситиһиллибит түмүктэри оҕо уонна ыччат сайдыытыгар дьайыыларын учуоттаан ырытар соруктар туруорулуннулар. Сиһилии https://www.sakha.gov.ru/news/17293 саайтка ааҕыҥ.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…