Хаартыска: РБК.
РФ Бырабыыталыстыбата байыаннай дьайыыттан кэлэн баран, агробырамыысыланнай комплекска бэйэ дьыалатын арыйарга быһаарыммыт бэтэрээннэри уонна анал байыаннай эпэрээссийэ кыттыылаахтарын салгыы өйүүр.
«Агромотиватор» бырагыраама чэрчитинэн, 2025 сылга өссө 10 эрэгийиэн тыа хаһаайыстыбатын бырайыактарын олоххо киллэрэргэ дьулуһар урбаанньыттарга граннары төлүүр үбү ылыаҕа, ол иһигэр Саха Өрөспүүбүлүкэтэ эмиэ.
“Маннык дьаһаллар биһиги уолаттарбытыгар сөбүлүүр идэлэрин булалларыгар көмөлөһүөхтэрэ уонна Арассыыйа эрэгийиэннэригэр саҥа үлэ миэстэтин таһаарыыга олук ууруохтара диэн эрэнэбит”, — диэн Михаил Мишустин эттэ.
Өрөспүүбүлүкэҕэ үөр сылгыны иитии, үүт собуота, ыҥырыаны иитии, эрдэ ситэр сүөһүнү иитии уонна тэпилииссэ хаһаайыстыбатын курдук хайысхалар ирдэнэллэр диэн СӨ Тыа хаһаайыстыбатын уонна ас-үөл бэлиитикэтин министиэристибэтэ бэлиэтээтэ.
Саха сириттэн ураты, үбүлээһини Адыгея, Ингушетия, Карачаево-Черкесскэй Өрөспүүбүлүкэ, Крым, Хотугу Осетия-Алания, Тыва, Хакасия, Белгородскай уобалас уонна Ханты-Мансийскай автономнай уокурук ылыахтара.
Санатан эттэххэ, «Агромотиватор» анал байыаннай дьайыы бэтэрээннэригэр уонна кыттыылаахтарыгар граннаах өйөбүл бырагыраамата 2025 сылтан 19 эрэгийиэҥҥэ үлэлиир, бу сыалга федеральнай бүддьүөттэн 200 мөлүйүөн солкуобай көрүллүбүтэ. Бу бырагыраама агропромышленнай сектор сайдыытын көҕүлээһиҥҥэ уонна бэтэрээннэргэ гражданскай олоххо киирэллэригэр көмөлөһөргө, ону тэҥэ, эбии үлэ миэстэтин таһаарарга уонна эрэгийиэн экэниэмикэтин өйүүргэ туһуланар.
Бүгүн, атырдьах ыйын 31 күнүгэр, өрөспүүбүлүкэ икки улууһугар быстах кэмҥэ өрөмүөн үлэтэ ыытылларынан сибээстээн, күн…
Бүгүҥҥү күн Кыыс бэлиэтигэр киирэн, биһигиттэн чопчу буолууну, болҕомтону уонна олоҕу сааһылааһыны ирдиир. Дьыалаҕа-куолуга, үлэҕэ-хамнаска,…
Өрөспүүбүлүкэ үгүс улуустарынан бүгүн, атырдьах ыйын 31 күнүгэр, сөҥүүтэ суох, сылаас күн. Сорох сиринэн быстах…
Үнүр солуоҥҥа тыҥырах оҥорторо тиийдим. Дьоҕус остуолга “Хаас оҥорторорбор гепатит, СПИД, сифилис уо. д. а. ыарыылар сыстыахтарын…
Бүгүн, атырдьах ыйын 30 күнүгэр, Дьокуускай куоракка Саха гимназиятыгар уопсастыбанньыктар, волонтердар, төрөппүттэр, үөрэнээччилэр кыттыылаах "Дьокуускай…
Өймөкөөн улууһун Сордоҥноох нэһилиэгин олохтоохторо Марта уонна Михаил Винокуровтар сайыҥҥы кэмҥэ оҕону үлэҕэ сыһыаран үлэ…