Хаартыска: СИА
Балаҕан ыйын 8 күнүгэр Саха сиригэр 79 быыбардыыр хампаанньалар, ол иһигэр Халыма-Индигиир биир мандааттаах уокурукка норуот дьокутаатын талыы эбии быыбара ыытыллыаҕа.
Саха сиринээҕи Киин быбардыыр хамыыһыйатын бэрэссэдээтэлэ Евгений Федоров СИА-ҕа иһитиннэрбитинэн, аҕыйах күнүнн 36 нэһилиэк баһылыктарын быыбара буолар, ол иһигэр оройуон кииннэригэр: Өлөөҥҥө, Орто Халымаҕа, Сунтаарга, Уус Нераҕа, Уус Маайаҕа, Чурапчыга баһылыктар талыллыахтара. 16 оройуоҥҥа бөһүөлэк таһымнаах дьокутааттарын быыбара буолар, уопсайа 92 мандат талыллыахтаах. Саха сирэ Биир кэлим куоластааһын күнүгэр бэлэм.
«Быыбар хампаанньата бүтэһик түһүмэҕэр үктэннэ. Куоластааһыны тэрийиигэ уонна ыытыыга 22 территориальнай быыбардыыр хамыыһыйа уонна 186 учаастактааҕы быыбар хамыыһыйалара үлэлиэхтэрэ. Киин быыбаардыыр хамыыһыйа Саха сиригэр олорор гражданнар быыбардыыр бырааптарын тутуһууларын, муниципальнай быыбары бэлэмнээһини уонна ыытыыны тэрийэр быыбардыыр хамыыһыйалар үлэлэрин хонтуруоллуур, алын таһымнаах быыбардыыр хамыыһыйаларга быраап, методическай, тэрийэр-тэхиниичэскэй көмөнү оҥорор», — диэн Евгений Федоров кэпсээтэ.
Балаҕан ыйын 6 күнүттэн 7 күнүгэр диэри быыбар иннинээҕи аҕытаассыйа ыытыы түмүктэнэр. Сбуотаҕа уонна өрөбүлгэ ханнык баҕарар аҕытаассыйа көрүҥэ ыытыллара бобуллар.
Кэбээйи улууһун борокуратуурата олохтоох дьахтарга тэриллибит холуобунай дьыала буруйдуур түмүгэ бигэргэннэ диэн СӨ Борокуратуурата иһитиннэрэр.…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Erid: 2SDnjdhGTzX ПСБ биир кэлим счекка ханнык баҕарар социальнай төлөбүрдэри суһаллык ыларга анаан, олус…
Ахсынньы 17-19 күннэригэр Муниципальнай тэриллиилэр бэрэстэбиитэллээх уорганнарын дьокутааттарын III сийиэһигэр бары улуустартан, нэһилиэктэртэн 500-чэкэ дьокутаат…
Ааспыт нэдиэлэ иһигэр өрөспүүбүлүкэ 6 олохтооҕо түөкүттэр албыннарыгар киирэн биэрэн, уопсайа 1 840 037 солкуобайы…
РФ Бэрэсидьиэнэ Владимир Путин Административнай кэһиилэр тустарынан кодексатыгар уларытыылары киллэрэр уонна байыаннай комиссариакка көспүтүҥ туһунан…