Хаартыска: Ил Дархан, бырабыыталыстыба дьаһалтатын пресс-сулууспата.
Саха сирин байыаннай дьайыы соруктарын быһаарыыга сүрүннүүр кэлим киинэ уонна Н.Бурденко аатынан Кылаабынай байыаннай килиниичэскэй госпиталь бииргэ үлэлэһэргэ сөбүлэһии түһэристилэр диэн Саха сирин Москваҕа Бастайааннай бэрэстэбиитэлистибэтэ иһитиннэрэр.
Саха сирэ бу госпиталы кытары маннык сөбүлэһии түһэрсибит бастакы эрэгийиэн буолар. Сөбүлэһиигэ РФ бэрэсидьиэнигэр Саха сирин бастайааннай бэрэстэбиитэлэ, СӨ бырабыыталыстыбатын бэрэссэдээтэлин бастакы солбуйааччы Андрей Федотов уонна генерал-майор, академик Бурденко аатынан байыаннай госпиталь начаалынньыга Денис Давыдов илии баттаатылар.
Бу сөбүлэһии бааһырбыт байыаннай сулууспалаахтар доруобуйаларын чөлүгэр түһэриигэ, кинилэри уйулҕа уонна социальнай өттүнэн өйөөһүҥҥэ, волонтер көмөтүн оҥорууга, о.д.а. күүһү түмэргэ, биир систиэмэлээх үлэни ыытарга, сүрүннүүргэ туһуланар.
Бу госпиталы кытта өрөспүүбүлүкэ бииргэ үлэлэспитэ ыраатта. Саха сирин волонтердара кэлэн, эмтэнэ сытар байыастарга ас таһан аһаталлар, күүс-көмө буолаллар. Онон бу ыытыллар үлэни сөбүлэһии сокуон, быраап өттүнэн бигэргэтэн биэрэр.
Докумуоҥҥа илии баттаһыы кэнниттэн тута госпитальга ортопедическай маллары уонна да атын наадалаах маллары биэрдилэр. Саха сириттэн мэдиссиинэ биригээдэлэрэ госпитальга кэлэн үлэлииллэрин туһунан кэпсэтии барда.
Оттон Денис Давыдов госпиталь үлэтигэр баар ньыманы киллэрэргэ эттэ: эрэгийиэннэртэн араас идэтийиилээх быраастар кэлэн, буккаас биригээдэлэргэ үлэлииллэр, оччотугар эпэрээссийэлиир саалаларга, ыксаллаах балаһыанньаларга уопуттаах миэдиктэри кытта тэҥҥэ үлэлээн, квалификацияларын үрдэтэллэр.
Ил Дархан, бырабыыталыстыба дьаһалтатын пресс-сулууспата.
Дьокуускайга 1 №-дээх полиция отделыгар икки киһи бэлисипиэттэрин уордарбыттарын туһунан сайабылыанньа суруйбуттар. Холуобунай ирдэбил үлэһиттэрэ…
Саха сирин социальнай көмүскэлин эдэр исписэлиистэрин кытта үөрэх сүлүөтүн иитинэн, бу салаа фундаментальнай сыаннастарын дьүүллэстилэр.…
Күн-дьыл туруга бу күннэргэ хайдаҕый? Өрөспүүбүлүкэ киин, соҕуруу, арҕаа улуустарыгар быстах ардахтаах, сорох сиринэн этиҥнээх.…
Бүгүн Өймөкөөн улууһугар өрүстэр уонна үрэхтэр хааларыттан тахсан, оройуоҥҥа үрдүк бэлэмнээх буолуу эрэсиимэ биллэриллибитэ. Күнүс…
Саха сиригэр дроннар -- пилота суох көтөр аппарааттар таһаҕаһы тиэрдэн саҕалаатылар диэн Ил Дархан Айсен…
Бэстээхтэн тахсааты кытта Таатталыыр суол диэки «Солнечный берег» диэн дьикти кэрэ, тыытыллыбатах айылҕалаах сөтүөлүүр сир…