Ааспыт сылга дойду үрдүнэн бырамыысыланнаска ордук сайдыылаах эрэ эрэгийиэннэр үчүгэй көрдөрүүлэммиттэр. Ол иһигэр
Москва (9,1%) уонна Санкт-Петербург (4,7%) куораттар.
Маны таһынан Арассыыйа уопсай көрдөрүүтүгэр дьоһун кылаатын Саха сирэ киллэрбитин туһунан «Региональная политика» канал суруйар.
Быйыл бырамыысыланнай оҥорон таһаарыы хаһааҥҥытааҕар даҕаны үрдүк көрдөрүүлээх буоларын билгэлииллэр. Өрөспүүбүлүкэ сыл аайы бырамыысыланнай оҥоруутун эбэн, усулуобуйа оҥорон, инвестордары тардан, бу ааспыт 4 сыл иһигэр дохуотун 37 % улаатыннарда. Ол туоһутунан, кэлэр 2023 сыллааҕы бүддьүөппүт үрдээн, 273 млрд солк. бигэргэммитэ буолар. Итинтэн 140 млрд солк. кэриҥэ үп социальнай хайысхалары толуйууга көрүлүннэ. Статистика көрдөрөрүнэн, дойду үрдүнэн дохуот таһыма намтыыр кэмигэр өрөспүүбүлүкэ нэһилиэнньэтин дохуота 3% үрдээбитэ бэлиэтэнэр. Оттон бырамыысыланнай оҥорон таһаарыыга Саха сирэ эмиэ 8 бастыҥ көрдөрүүлээх эрэгийиэн иһигэр киирдэ. 2022 сыл түмүгүнэн эрэгийиэн бу салааҕа үүнүүтэ 12,2% буолла. Арассыыйа киин эрэгийиэннэрэ, арҕааҥҥы сааҥсыйалартан эмсэҕэлээн, оҥорон таһаарыылара түһэ турар кэмигэр, өрөспүүбүлүкэ Хоту сир уонна Арктика сайдыытын кэлим бырагырааматынан Азия дойдуларын кытары сибээһи тутуһара, олохтуура улахан кэскиллээх буолла. Эспиэрдэр дойду сайдыыта Уһук Илинтэн саҕаланыа диэн мээнэҕэ эппэтэхтэр. Саха сирэ Уһук Илин уонна Арассыыйа экэниэмикэтин сайдыытын локомотивынан буолара саарбаҕа суох.
Итиэннэ Омскай уобалас уонна Красноярскай кыраай көрдөрүүлэрэ куһаҕана суох.
Саамай куһаҕан көрдөрүүлээх эрэгийиэннэринэн, 11 ыйдааҕы туругунан Сахалин уобалаһа буолар. Манна ньиэби хостооһун тохтообута.
Инбэлииттэргэ уонна инбэлиит оҕолоох дьиэ кэргэттэргэ араас өрүттээх көмө оҥоһуллар. СӨ Үлэҕэ уонна социальнай сайдыыга …
Дьокуускай куорат борокуратуурата 35 саастаах киһи холуобунай дьыалатыгар судаарыстыбаннай буруйдааһыны өйөөтө. Бу сууттаммыт киһи өлөрүүгэ…
Бүгүҥҥүттэн Дьокуускай куоракка Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ саҕаланна. Сийиэс икки…
РФ билимин, үрдүк үөрэҕин министиэристибэтэ 2026-2027 үөрэх дьылыгар министиэристибэ иһинэн үлэлиир үрдүк үөрэх кыһаларыгар тутарсарга,…
Федеральнай ханаал бырагырааматыгар Саха сиригэр олорор дьахтар төрүүр дьиэҕэ оҕотун уорбуттарын туһунан кэпсээтэ. Бу түмүгүнэн…
- «Улуу Кыайыы айымньылара » рубрикаҕа сэрии дьон дьылҕатынан оонньуурун туһунан Прокопий Чуукаар «Дьол хараҕын…