Хаартыска: www.sakha.gov.ru/news
Саха сирэ Бүтүн Арассыыйатааҕы үөрэнээччилэр олимпиадаларын түмүгүнэн үөрэххэ ситиһиигэ дойду эриэйтинигэр 72-с миэстэттэн 24-кэ тахсан, кэлиҥҥи биэс сылга бастыҥ түмүгү көрдөрдө.
2024-2025 үөрэх дьылыгар Бүтүн Арассыыйатааҕы үөрэнээччилэр олимпиадаларыгар Саха сирин аатыттан 21 биридимиэккэ 30 оҕо кытынна. Быйыл өрөспүүбүлүкэ көрдөрүүтүн тупсарда – 3 кыайыылаах уонна 7 призер баар. Үөрэнээччилэр аангылыйа, кытай тыллара, обществознание, физкултуура, француз тыла курдук биридимиэттэргэ дойду бастыҥнарын кэккэлэригэр киирдилэр.
Француз тылыгар Бүтүн Арассыыйатааҕы үөрэнээччилэр олимпиадаларын кыайыылаахтарын ортотугар ХИФУ СУНЦ 10-с кылааһын үөрэнээччитэ Максим Евсеев баар. Кини аангылыйа тылын олимпиадатыгар эмиэ бастаабыта.
Арктика оскуолатын үөрэнээччитэ Дарина Данилова обществознание олимпиадатыгар кыайыылаахтар ортолоругар ааттанна. Тустаах оскуола үөрэнээччитэ Лю Цзелун кытай тылын олимпиадатыгар бастыҥ көрдөрүүлээх.
Өрөспүүбүлүкэ алта үөрэнээччитэ физкултуура олимпиадатыгар бастыҥынан ааттаннылар. Бу Дьокуускай куорат 17-с нүөмэрдээх оскуолатын 11-с кылааһын үөрэнээччитэ Ирина Федорова, Нерюнгритааҕы 24-с нүөмэрдээх информационнай-технологическай лиссиэй 9-с кылааһын үөрэнээччитэ Любовь Гавриленко, Дьокуускай куорат 1-кы, 31-с, 33-с оскуолаларыттан Юлия Ганяк, Полина Гоманова, Арина Пуляевская, Дьокуускай куораттааҕы национальнай гимназия 10-с кылааһын үөрэнээччитэ Софрон Скрябин буолаллар.
Саха сиригэр Бүтүн Арассыыйатааҕы үөрэнээччилэр олимпиадаларын түмүктүүр түһүмэҕин кыайыылаахтарыгар уонна миэстэлэспиттэригэр харчынан биир кэмнээх төлөбүр быһаарыллыбыта.
Кыайыылаахтар 500-түү тыһ. солк. ылаллар, онтон миэстэлэспиттэр — 100-түү тыһ. солк.
Бу туһунан Ил Дархан уонна Бырабыыталыстыба пресс-сулууспата суруйар.
Ааспыт сууккаҕа Сунтаар уонна Өлүөхүмэ улуустарын сирдэригэр 7,5 га иэннээх икки ойуур баһаарын умуоруордулар. Ити…
Киокусинкай каратеҕа аан дойду үс төгүллээх чөмпүйүөнэ Хаид Мантаев көҕүлээһининэн уонна РФ Бэрэсидьиэнин Уһук Илиҥҥи…
СӨ борокуратуурата Дьокуускай куоракка наркотигы тарҕатыынан дьарыктаммыт бөлөх икки кыттааччытыгар буруйдуур түмүгү бигэргэттэ. Кинилэр Холуобунай…
Ааспыт сууккаҕа Дьокуускай полициятын отделларыгар ыраахтан олорон албынныыр түөкүттэр сиэртибэлэрэ буолбут түөрт киһи сайабылыанньа киллэрдэ…
Атырдьах ыйын 22 күнүгэр үөрэх үлэһиттэрин атырдьах ыйынааҕы мунньаҕын иитинэн “Ситиһиигэ бииргэ!” өрөспүүбүлүкэтээҕи ыччат пуорума…
Бүгүн, атырдьах ыйын 20 күнүгэр, күнүс 13:00 ч. Ил Дархан Айсен Николаев "Саха" ГТРК "Прямой…