Хаартыска: Ил Дархан уонна СӨ Бырабыыталыстыбатын пресс-сулууспата.
Бүгүн Аллараа Халыма улууһун Черскэй сэлиэнньэтигэр Кыайыы Знамятын тиэрдии сиэрэ-туома Н.И. Таврат аатынан болуоссакка буолла.
Бу иннинэ Знамяны Анаадырьтан Чукотка автономнай уокуругун Билибинскэй оройуонугар аҕалбыттара. “Улуу Кыайыы 80 сылыгар аналлаах тэрээһин Арассыыйа табаһыттарын национальнай сойууһун көҕүлээһининэн ыытыллар. Кулун тутар 17 күнүгэр Чукоткаҕа саҕаламмыт эстафета муус устар 16 күнүгэр Ямалга түөрт Арктическай улуустары (Чукотскай автономнай уокурук, Саха Өрөспүүбүлүкэтэ, Красноярскай кыраай (Таймыыр Долгано-Ненецкэй муниципальнай оройуон уонна Ямало-Ненецкэй автономнай уокуруга) ааһан түмүктэниэхтээх«, — диэн бэлиэтээтэ СӨ Бырабыыталыстыбатын Бэрэссэдээтэлин солбуйааччы Ольга Балабкина.
Тэрээһин кыттыылаахтара Аҕа дойду Улуу сэриитин сылларыгар Хотугу норуоттар фроҥҥа төһө кыалларынан көмөлөспүттэрин: балык, эт, түүлээх бэлэхтээбиттэрин, фроҥҥа үбү-харчыны хомуйбуттарын бэлиэтээтилэр. Холобур, Аллараа Халыма оройуонугар «Турваургин» холкуос чилиэннэрэ 1944 сыллаахха «Турваургинец» тааҥка тутуутугар үп-харчы биэрбиттэр. Саха сиригэр аахсыйа кулун тутар 28 күнүгэр диэри ыытыллыаҕа. Сарсын эстэпиэтэ Анаабыр Долган-Эбэҥки национальнай улууһугар салҕаныаҕа.
Бүгүн Дьокуускайга “Кыайыы Арктическай эстэпиэтэтэ” тэрээһин чэрчитинэн сэрии саҕана номоххо киирбит снайпер Иван Николаевич Кульбертинов пааматынньыгар сибэкки дьөрбөтүн уурдулар уонна ыччат сэбиэтэ СӨ Хотугу төрүт олохтоохторун Ассоциациятын көхтөөх чилиэннэрин кытта көрсүһүүлэрэ буолла.
Мария Герасимова-Сэҥээрэ – норуот фольклоругар бөдөҥ исписэлиис, доҕотторо ытыктаан ааттыылларынан Ийэ чабырҕахсыт, чабырҕаҕы, олоҥхону, оһуохайы…
Ааҕааччыларбытыттан ыйытыылар киирэ тураллар. Соторутааҕыта быыһыгар маҥаннаах таба этин видеоҕа устубуттар этэ. Ону көрбүт дьонтон…
Бүгүн, сэтинньи 9 күнүгэр, Өлүөхүмэ улууһугар аналлаах оһуохай түһүлгэтэ бэрт тэрээһиннээхтик ааста. Куоракка олорор өлүөхүмэлэр…
Сэбиэскэй кэмҥэ эдэр ийэ-аҕа буола сылдьыбыт төрөппүттэр кырачаан оҕоҥ сылайдаҕына эбэтэр атаахтааҕына уоскута түһэргэ оҕо…
Бэҕэһээ, сэтинньи 8 күнүгэр, 35-гэр диэри саастаах быраастар, мэдиссиинэ сиэстэрэлэрэ, доруобуйа харыстабылын эйгэтин үлэһиттэрэ Николаев-Кииҥҥэ…
Саха тапталлаах ырыаһыта, ырыа айааччы, СӨ үтүөлээх артыыската Тамара Попова сыанаҕа тахсыа эрэ кэрэх, көрөөччүлэр…