sakha.gov.ru
Ил Дархан Айсен Николаев ДНӨ үлэтинэн сырыытыгар ыкса сибээс олохтоммут Докучаевскай куоракка өрөмүөннүүр-чөлүгэр түһэрэр үлэлэр хаамыыларын көрдө.
—Куорат быраҕыллыбыт пааркатын оннугар бэртээхэй сынньанар сир тэриллибит. Сөптөөх былааннааһын, икки сыл устатыгар улахан үлэ ыытыллыбытын түмүгэр, манна наһаа уларыйбыт, — диир Айсен Николаев.
Ыччат киинин уонна оҕо, ыччат айымньытын дьиэтин саҥалыы уларытан оҥоруу үлэтэ 2025 сыл бүтүүтүгэр түмүктэниэҕэ диэн иһитиннэрдэ.
—ДНӨ баһылыга Денис Пушилин өйөбүлүнэн, көмөтүнэн Докучаевскай олохтоохторугар уонна оҕолорго олус наадалаах эбийиэктэр тэрилинэн хааччыллалларыгар уонна эһиилги сыл саҥатыгар үлэлиллэригэр эрэнэбин, — диэн этэр кини.
Айсен Николаев 2026 сылга Докучаевскайга өрөмүөннүүр-чөлүгэр түһэрэр үлэ былааныгар ДНӨ Бырабыыталыстыбатын кытта сөбүлэҥ түһэрсиллибитин бэлиэтиир.
— ДНӨ Бырабыыталыстыбатын бэрэссэдээтэлин Андрей Геннадьевич Черткову кытары көрсүһүүгэ 2026 сылга үлэ былаанын сүбэлэстибит. Былааҥҥа 11 эбийиэк киирдэ. Олор куорат инфраструктуратын тупсарыыны уонна дьон олоҕун хаачыстыбатын үрдэтиини кытары сибээстээхтэр, — диэн бэлиэтиир Айсен Николаев.
Сиһилии: https://www.sakha.gov.ru/news/15393
СӨ Ил Дарханын уонна Бырабыыталыстыбатын пресс-сулууспата
Хаартыскалар: sakha.gov.ru
Ахсынньы 28 күнүгэр өрөбүллээҕи Оһуокайбыт буолла.Быйыл иккис сылын Чысхаан кэлэн алгыстаах оһуокайы таһаарда. Чысхаан оруолун…
Биэс сыллаах тохтобул кэнниттэн Москваҕа тыһыынчанан оҕолорго анаан Кириэмил харыйатын тэрээһинэ ыытылынна. Кинилэр истэригэр Саха…
Бу күннэргэ Горнай улууһун Землячествота саҥалыы тыыннаах тэриллибитэ 10-с үбүлүөйдээх сылын бэлиэтиир. Уопсастыбаннай тэрилтэ үлэтин…
Ахсынньы 26 күнүгэр Бүтүн Арассыыйатааҕы “Полиция Тымныы Моруос Оҕонньоро” аахсыйа саҕаламмыта. Бу суолталаах тэрээһиҥҥэ кыттан,…
Бу күннэргэ Саха сирин талааннаах дьоно хаартан-муустан кэлэн иһэр саргылаах Саҥа дьылы көрсө араас оҥоһуктары…
Дьокуускай куоракка сылаас тохтобулларга оҕолор уруһуйдарын көрүөххэ сөп. Ол курдук, “Доҕордоһуу болуоссатын “ уонна “Центральный”…