Хаартыска: sakha.gov.ru
«Саха сирэ – дьоруойдар дойдулара» каадыр бырагырааматыгар кыттыахтарын баҕарар дьоҥҥо анаан быһа лиинийэ үлэҕэ киирдэ.
Онно 8 924 59 87 093 нүөмэргэ эрийэн билсиэххитин сөп.
“Быһа лиинийэ күнүстэри-түүннэри үлэлиир. Хас биирдии киһи түмүгүн эбэтэр атын долгутар өрүттэрин ыйыталаһан билиэн сөп”, — диэн каадыр бырагырааматын куратора Наталья Кашперская эттэ.
Муус устар 7 күнүттэн 10 күнүгэр диэри «Саха сирэ – дьоруойдар дойдулара» бырагыраамаҕа онлайн-тестированиены кыайан ааспатах дьоҥҥо эбии туох эмэ толкуйданыаҕа.
“Бу бырагыраамаҕа демобилизацияламмыт уолаттар эрэ буолбакка, инники кирбиигэ сылдьар дьон эмиэ кыттыахтарын сөп. Тиэстэри туттарыыга, кэпсэтиини ааһыыга дьоҥҥо ыарахаттар үөскүөхтэрин сөбүн үчүгэйдик өйдүүбүт. Таларбытыгар итини барытын учуоттуубут. Бу түһүмэххэ кыайан кыттыбакка хаалбыт дьоҥҥо анаан, резервнэй бэрэбиэркэлиир кэм муус устар 7-10 күннэригэр буолуоҕа”, — диэн куратор быһаарда.
Бастакы талыллыбыт 25 истээччи күнүскү үөрэххэ киириэ. Өссө 25 киһи байыаннай дьайыы зонатыгар баар дьонтон бырагыраама резервэтигэр талыллыаҕа.
Биир сыллаах үөрэҕи бүтэрэн баран, бырагырааманы ситиһиилээхтик бүтэрбит истээччилэр идэни хаттаан бэлэмнээһин дипломун ылыахтара уонна каадыр резервэтигэр ылыллыахтара. Бу кинилэргэ судаарыстыбаннай уонна муниципальнай былаас уорганнарыгар, судаарыстыбаннай тэрилтэлэргэ сүрүн дуоһунастарга ананалларыгар итиэннэ эрэгийиэни сайыннарыыга туһуламмыт улахан суолталаах бырайыактары олоххо киллэриигэ кыттыһар кыахтары арыйыаҕа, диэн иһитиннэрэр Ил Дархан, бырабыыталыстыба пресс-сулууспата.
«Арыгы састааба суох пиибэ утаҕы иһэрдиигэ билиһиннэрии экскурсиятын оҥоробут», - диэн биллэрии ФАПК "Якутия" тэрилтэ…
«Баклан көтөрдөр балыктаах күөллэрбит экосистематын алдьатыахтарын сөп», - диэн учуонайдар сэрэтэллэр. Бу көтөрдөр тыһыынчанан эбэтэр икки…
Дьокуускайга полиция үлэһиттэрэ куортамнаабыт кыбартыыраттан уоран икки тэлэбиисэри атыылаабыт 28 саастаах эр киһини туппуттар. 33…
Үүнээйи сибэккилэммэт буоллаҕына, оҕуруотчуттар олус туһалаах уонна судургу суурадаһыны оҥорон кутаргытыгар сүбэлииллэр. «Бу суурадаһынан үүнээйини…
Саха сиригэр сааскы халаан иккис долгуна салҕанар. Уу ресурсаларын федеральнай ааҕыныстыбатын Өлүөнэтээҕи бассейновай управление салайааччыта…
Бэс ыйын 2 күнүгэр киэһэ 23.00 чааска Саха сиринээҕи быыһыыр сулууспатын быыһааччыларын бөлөҕө Иннокентий Андросов…