Хаартыска: sakha.gov.ru
“Саха сирэ – дьоруойдар дойдулара” каадыр бырагырааматын кыттыылааҕа Ришат Аюпов СӨ Арктическай научнай-чинчийэр киинин (АНЧК) үлэтин сүрүн хайысхаларын кытта билистэ.
Ришат Аюпов СӨ Үөрэххэ, билимҥэ министиэристибэтигэр стажировкатын бара сылдьар, Мииринэйдээҕи тиэхиньиичэскэй колледж энэргиэтигэ буолар. 2024 сыл сааһыгар Ришат Зайнагетдинович хантараак түһэрсэн сулууспалыы барбыта. Мотострелковай взвод хамандыырынан, мотострелковай рота хамандыырын солбуйааччынан сылдьыбыта. Бааһыран, сулууспатыттан уурайбыта.
АНЧК дириэктэрэ Надежда Красильникова киин үлэтин, сүрүн бырайыактарын билиһиннэрдэ.
Ону тэҥэ Ришат Аюпов, Мииринэй оройуонун бэрэстэбиитэлэ буоларын быһыытынан, 2024 сыллаахха Бүлүү өрүскэ ыытыллыбыт археологическай үлэ түмүктэрин интэриэһиргээн көрдө, манна «Хатыҥнаах 2» диэн сиргэ археологтар 30 тыһыынчаттан тахса ураты булумньуну бэлиэтээбиттэрэ, ол иһигэр палеолит эпохатын тобохторугар тиийэ барар 10-ча култуурунай араҥаны булбуттара. Эспэдииссийэ кыттыылааҕа Виктор Дьяконов кэпсээбитинэн, Бүлүү сиригэр мууһуруу кэмин бүтүүтэ дьон күүскэ олохсуйбута ону туоһулуур.
Санатан эттэххэ, өрөспүүбүлүкэҕэ “Саха сирэ – дьоруойдар дойдулара” каадыр бырагыраамата бэс ыйын 16 күнүттэн күнүскү үөрэхтэн саҕаламмыта, диэн иһитиннэрэр Ил Дархан, бырабыыталыстыба пресс-сулууспата.
Киин баан дириэктэрдэрин сэбиэтэ от ыйын 25 күнүгэр сүрүн ыстаапканы сылга 18%-ҥа диэри түһэрэргэ быһаарынна.…
Госдуума дьокутааттара үөрэх дьылын иннинэ оскуола үөрэнээччилэрин биир төрөппүтүгэр тиийинэн олоруу алын кээмэйинэн (МРОТ) сыл…
От ыйын 25 күнүгэр «Восточнай» космодромтан «Ионосфера-М» № 3, № 4/ППН спутниктардаах «Союз-2-1б» аракыата көтүтүллүбүтэ.…
Бу күн ардах түспэтэҕинэ — сылаас, ардаҕа суох күһүн буолар диэн билгэлэнэр. Ардахтаах буоллаҕына —…
Бүгүн, от ыйын 26 күнүгэр, халлаан куйаара күүстээх энэргийэнэн туолар. Күн Хахай бэлиэтигэр, оттон Ый…
УГМС саайта иһитиннэрэринэн, Саха сирин киин улуустарыгар, соҕуруу, арҕаа өттүгэр быстах ардахтыыр, сорох сиринэн самыырдыыр,…