Хаартыска Чурапчы улууһун дьаһалтатыттан
Бүгүн Чурапчы орто оскуолатыгар долгутуулаах уонна олус суолталаах күн ааста. Анал байыаннай дьайыы бэтэрээнэ, «Саха сирэ – Дьоруойдар дойдулара» бырагыраама кыттыылааҕа Анатолий Стручков оҕолору кытары көрсүһүүтэ улахан событиенан буолла.
Юнармеецтар ыалдьыты чиэстээн-бочуоттаан көрүстүлэр. Кинилэр Арассыыйа Федерациятын, Саха Өрөспүүбүлүкэтин, улуус уонна оскуолаларын гимнэрин толордулар. Ол кэннэ «Память» байыаннай-патриотическай кулууп иитиллээччилэрэ бэйэлэрин маастарыстыбаларын көрдөрөн үөртүлэр.
Үөрүүлээх линиэйкэ кэннэ Анатолий Павлович «Память» байыаннай-патриотическай кулууп, «Эрчим» балаакка лааҕырын, «Бригада-19» көрдүүр этэрээт ситиһиилэрин быыстапкатын көрдө. Күн иккис аҥарыгар бэтэрээн 9-11 кылаас үөрэнээччилэрин кытта көрүстэ, бэйэтин уопутун үллэһиннэ уонна ыйытыыларга хоруйдаата. Көрсүһүү кэннэ оҕолор Анатолий Стручкову И.М. Павлов аатынан оскуола түмэлигэр экскурсиялаттылар.
Бу көрсүһүү бары кыттыылаахтар сүрэхтэригэр дириҥ өйдөбүлү хаалларда. Кини оҕолорго патриотизм, хорсун быһыы уонна Ийэ дойдуга бэриниилээх буолуу суолтатын санатта.
Бэҕэһээ-бүгүн Хаҥалас улууһун Хоточчутугар оройуоннааҕы лесничество кэлэктиибэ Егоровтар тиэргэннэрин олбуорун саҥардаллар. 10-тан тахса киһи хара…
Бүгүн Экология министиэристибэтин үлэһиттэригэр Дьокуускай куорат олохтооҕо Ш.М. Нигматов сибээскэ тахсан, ГРЭС территориятыгар Өлүөнэ өрүскэ …
Бэҕэһээ Үөһээ Бүлүү сэлиэнньэтигэр Саха Өрөспүүбүлүкэтин Судаарыстыбаннаһын күнүгэр анаммыт “Күөх Чэппиэр” өрөспүүбүлүкэтээҕи экологическай аахсыйа чэрчитинэн…
Дьокуускай куорат гражданскай оборуонаҕа, нэһилиэнньэни, сири-уоту көмүскээһиҥҥэ, баһаартан куттала суох буолууга управлениета элбэх оҕолоох уонна…
Хаҥалас оройуонугар быраатын өлөрбүт эр киһи сууттанна. Бу туһунан СӨ Борокуратуурата иһитиннэрдэ. 2025 сыл ыам…
Улуу Кыайыы үбүлүөйдээх сылын чэрчитинэн Кэбээйи нэһилиэгэр үлэ дьонун аатын үйэтитэр эмиэ биир өйдөбүнньүк бэлиэ…