«Саха сирэ — дьоруойдар дойдулара» бырагыраама кыттыылааҕын санаата

«Саха сирэ — дьоруойдар дойдулара» бырагыраама курсаана өрөспүүбүлүкэ сүрүн биэдэмистибэлэригэр стажировкаланна.

Каадыр бырагырааматын кыттыылааҕа Владимир Жексембаев алта нэдиэлэ устата стажировкаланна уонна ол түмүгүнэн санаатын үллэһиннэ.

Практическай уопут:
Үс нэдиэлэ устата СӨ киһи быраабын боломуочунайа Сардана Гурьеваҕа быраактыка: гражданнары көрсүүүгэ кыттыы, көһө сылдьан бэрээдэги көннөрөр (исправительнай) учреждениеларга сылдьыы, СВО кыттыылаахтарын дьиэ кэргэттэрин кытта үлэ.

Үс нэдиэлэ Юстиция судаарыстыбаннай кэмитиэтигэр: судаарыстыбаннай бырагырааманы үөрэтии, сокуоннай саастарын туола илик оҕолор дьыалаларын хамыыһыйатын кытта үлэ.

Тус бэйэтигэр арыйыылара:

—ИДьМ биэнсийэлээҕэ буолан, куттал суох буолуутун эйгэтигэр үлэни күүппүтүм. Ол гынан баран, бэйэбэр саҥа хайысхалар арылыннылар, — диэн этэр Жексембаев.