“Саха сирэ – дьоруойдар дойдулара” бырагыраама кыттыылаахтара куйаар ситиминэн тест толордулар

Тест толорууга “Саха сирэ – дьоруойдар дойдулара” бырагырааманан 300-тэн тахса байыаннай дьайыы кыттыылаахтара кытыннылар.

Ол туһунан куратор Наталья Кашперская иһитиннэрдэ.

«Бырагыраамаҕа барыта 583 байыас сайаапка түһэрбитэ. Кинилэртэн 339 киһи регистрация түһүмэҕин аастылар: эссе суруйдулар, докумуоннары барытын толорон бүтэрдилэр. Кинилэр бырагыраама аныгыскы түһүмэҕэр тахсан тест толорууга кыттыыны ыллылар. Ити барыта бырайыак наадалааҕын көрдөрөр. Тесты ааһан баран, билигин саҥа түһүмэххэ көстүлэр, кэпсэтиилэр барыахтара, ол түмүгэр сүүмэрдээһин барыаҕа.

Бу бырагыраамаҕа демобилизацияламмыт эрэ буолбакка, билигин инники күөҥҥэ сылдьар байыастар эмиэ кыттыыны ылаллар. Итиэннэ тест толорууга уустуктар үөскүүллэрин бэркэ өйдүүбүт. Онон бу түһүмэххэ кыайан кыттыбатах байыастарга муус устар 7-10 күннэригэр тест толоруу резервнэй чааһын көрдүбүт. Онон эбии дьон кыттар кыахтаналлар», — диэн Наталья Кашперская кэпсээтэ. Сиһилии манна аах.