Хаартыска: ЯСИА
Өрөспүүбүлүкэҕэ “Саха сирэ – дьоруойдар дойдулара” каадыры бэлэмнээһин бырагырааматыгар сайаапканы ылыы түмүктэннэ.
Анал байыаннай дьайыы кыттыылааҕыттан 583 сайаапка киирдэ. Кулун тутар 24-27 күннэригэр кинилэр онлайн-тестированиены ааһа сылдьаллар.
«Сайаапканы Ийэ дойдуну көмүскүү сылдьааччылар байыаннай дьайыы хонууттан кытта биэрдилэр. Араас улуустан сайаапка киирдэ. Байыастар Аҕа дойдуларыгар бэриниилээхтэрин бу сырыыга эмиэ көрдөрдүлэр. Бырагыраамаҕа судаарыстыбаннай уонна муниципальнай сулууспаҕа, ону тэҥэ бөдөҥ тэрилтэлэргэ көдьүүстээхтик үлэлииргэ көмөлөһүөхтээх салайар дьиссипилиинэлэргэ үөрэтии киирэр», – диэн бэлиэтээтэ каадыры бэлэмнээһин “Саха сирэ – Дьоруойдар дойдулара” бырагыраама уопсасстыбаннай сэбиэтин чилиэнэ Степан Саргыдаев.
Биир сыллаах үөрэҕи ааһан баран, бырагырааманы ситиһиилээхтик бүтэрбит истээччилэр идэлэрин хаттаан бэлэмнээһин дипломун ылыахтара уонна СӨ кэлим каадыр резервэтигэр ылыллаллар. Бу кинилэргэ судаарыстыбаннай уонна муниципальнай былаас уорганнарыгар, судаарыстыбаннай тэрилтэлэргэ сүрүн дуоһунастарга ананалларыгар, итиэннэ эрэгийиэни сайыннарыыга туһуламмыт улахан суолталаах бырайыактары олоххо киллэриигэ кыттыһар кыахтары арыйыаҕа.
Бүгүн, ахсынньы 1 күнүгэр, СӨ Ил Дархана Айсен Николаев Татарстан Нижнекамскай муниципальнай оройуонуттан кэлбит дэлэгээссийэни…
Бырагыраама кыттыылаахтара гектар сири ыларга ордук наадыйар эрэгийиэннэринэн Саха Өрөспүүбүлүкэтэ, Приморье кыраайа уонна Сахалин уобалаһа…
Бүгүн киин куоракка 13:40 чааска С. Данилов уулуссатын 14 нүөмэрин аттыгар улахан хомунаалынай саахал таҕыста…
Дьокуускай куорат суута ньиэби хостооһунунан дьарыктанар хааччахтаммыт эппиэтинэстээх уопсастыбаҕа сыһыаннаах, РФ административнай быраабы кэһии туһунан…
Бүк сабыллар саахымат дуоската хаһан айыллыбытый? Билигин оонньуурга туттуллар чаһы хаһан баар буолбутуй? Саахымат үөскээбит…
Ааспыт өрөбүллэргэ Дьокуускай сиригэр-уотугар суол-тырааныспар 12 быһылаана бэлиэтэммит. Икки киһи эчэйбит. Сэтинньи 29 күнүгэр сарсыарда…