«Саха сирэ — Дьоруойдар дойдулара» бырагыраама кыттыылаахтара Нерюнгри дьаһалтатыгар стажировкаланаллар

«Саха сирэ — Дьоруойдар дойдулара» бырагыраама кыттыылаахтара  Ольга Белолюбская уонна Константин Помирчий Нерюнгри дьаһалтатыгар стажировкаланаллар.

Стажировка чэрчитинэн, патриотическай хайысхалаах тэрээһиннэргэ кыттыы, нэһилиэнньэни кытта үлэ, ону сэргэ байыаннай дьайыы кыттыылаахтарын кытта көрсүү буолуоҕа.

Курсааннар оройуон баһылыгын эбээһинэһин толорооччу Матвей Громагы кытта көрүстүлэр.

Курсаан Ольга Белолюбская — астаапкаҕа олорор полиция подполковнига, байыаннай дьайыы бэтэрээнэ, билигин Уус Маайа оройуонун дьаһалтатыгар тэрийэр салаа начаалынньыга.

«Байыаннай дьайыыттан кэллиҥ да дойдугар сулууспаҥ бүтэр диэн буолбатах. Биһиги сулууспабыт манна эмиэ салҕанар», — диир кини.

«Саха сирэ — Дьоруойдар дойдулара» бырагыраама Ил Дархан Айсен Николаев көҕүлээһининэн, РФ бэрэсидьиэнэ Владимир Путин төрүттээбит «Время героев» бырагырааматын салгыыр бырагыраама буолар.