“Саха сирэ – дьоруойдар дойдулара” бырагыраамаҕа баһылык кыттар

Байыаннай дьайыы кыттыылааҕа  Эрсан Андреев кулун тутарга Марха микроройуон салайааччытынан анаммыта.  Байыаннай дьайыы бэтэрээнэ, “Хорсунун иһин” мэтээлинэн наҕараадаламмыт  Эрсан Андреев “Саха сирэ – дьоруойдар дойдулара” каадыр бырагырааматыгар кыттыбыта.  

Эрсан Андреев былырыын сэтинньигэ байыаннай дьайыыга баҕа өттүнэн барбыта. Кини пилота суох көтөр аппарааттар оператордарынан сулууспалаабыта, “Боотур” БАРС-2 Саха сирин этэрээтин көрдүүр-чинчийэр взводун отделениетын хамандыырынан анаммыта.

— «Саха сирэ – дьоруойдар дойдулара” каадыр бырагырааматыгар кыттыы – саҥа билиини ыларга уона  эйгэҕин кэҥэтэргэ бэриллэр кыах. Судаарыстыбаннай уонна муниципальнай салайыы эйгэтин нөҥүө олох-дьаһах тупсарыгар бэйэм кылааппын киллэриэхпин баҕарабын. Биһиги дойдубутугар сонун көрүүлэр уонна саҥа уларыйыылар наадалар, — диэн Эрсан санаатын үллэһиннэ.

Санатан эттэххэ, бырагыраамаҕа кыттарга онлайн-тиэһи муус устар 10 күнүгэр диэри якутияземлягероев.рф. саайтка толоруохха сөп.

Биир  сыллаах үөрэх түмүгүнэн бырагырааманы ситиһиилээхтик түмүктээбиттэр идэҕэ хос үөрэммиттэрин  туһунан диплому ылаллар уонна каадыр биир кэлим саппааһыгар киллэриллэллэр.

Сиһилии 8 924 59 87 093 нүөмэринэн билсиэххэ сөп.