Хаартыска: СИА
«Саха сирэ – Дьоруойдар дойдулара» каадыр бырагырааматыгар хандьыдааттарга онлайн тестирование резервнэй кэмэ саҕаланна.
Сүрүн күннэргэ ыйытыктарга хоруйдаабатах дьон муус устар 10 күнүгэр диэри якутияземлягероев.рф. саайтыгар ааһыахтарын сөп.
«Биһиги байыастар сулууспалыы сылдьан тест аһалларыгар ыарахаттар үөскээбиттэрин өйдүүбүт. Кинилэргэ анаан тест ааһыы кэмэ уһатыллан биэрдэ — муус устар 7-10 күннэригэр диэри. Кыттааччылар тестирование ааспыттарын кэнниттэн, бырагыраама бастакы бөлөҕү тэрийиэхпит», — диэн Ил Дархан Айсен Николаев бэлиэтээтэ.
«Саха сирэ – дьоруойдар дойдулара» диэн дойду Бэрэсидьиэнэ Владимир Путин көҕүлээбит «Дьоруойдар кэмнэрэ» бырайыагын салҕааһына буолар. Бырайыак көмөтүнэн анал байыаннай дьайыы кыттыылаахтара үөрэниэхтэрин уонна инникитин судаарыстыбаннай тэрилтэлэргэ үлэлиэхтэрин, ону тэҥэ уопсастыбаннай үлэҕэ бэйэлэрин көрдөрүөхтэрин сөп.
«Бырагыраама олус кэмигэр наадалаах уонна туһалаах. Мин саныахпар, анал байыаннай дьайыы зонатыгар сылдьыбыт уолаттар дойдуларын, өрөспүүбүлүкэлэрин туһугар күүскэ үлэлиэхтэрэ. Социальнай-экэнэмиичэскэй олохпутугар уларыйыылары аны биэс сылынан көрүөхпүт диэн эрэнэбин», — диэн бырагыраама уопсастыбаннай Сэбиэтин чилиэнэ, Ил Түмэн бэрэссэдээтэлин солбуйааччы – Байыастар, бойобуой дьыалаларга, патриотическай иитии уонна уопсастыбаннай тэрилтэлэр боппуруостарыгар бастайааннай кэмитиэт бэрэссэдээтэлэ Александр Подголов бэлиэтээтэ.
Бэҕэһээ, муус устар 15 күнүгэр, куйаар ситиминэн СӨ Бырабыыталыстыбатын Бэрэссэдээтэлэ Кирилл Бычков Өймөкөөн улууһун социальнай-экэнэмиичэскэй…
Быйылгы Олоҥхо ыһыаҕын тэрийэр кэмитиэт муус устар 15 күнүгэр өрөспүүбүлүкэтээҕи куонкурустар испииһэктэрин бигэргэттэ. От ыйын…
Бэҕэһээ, муус устар 15 күнүгэр, Нам улууһугар хаарынан уонна бадараанынан сылдьар (снего-болотоход) саҥа көлө кэллэ.…
Саха сиригэр элбэх оҕолоох дьиэ кэргэттэргэ бэриллэр сир учаастагын оннугар бэриллэр төлөбүр сууматын 300 тыһыынчаҕа…
Харбалаахтааҕы үөрэхтээһин холбоһугар Улуу Кыайыы 80 сылыгар аналлаах "Бастыҥнар хамсааһыннарын" ыытар аахсыйатын чэрчитинэн "Чымадаан иһигэр…
Өрөспүүбүлүкэтээҕи 2 №-дээх балыыһа-Мэдиссиинэ суһал киинин хирургияҕа мобильнай киинэ муус устар 6-14 күннэригэр Уус Алдан…