«Саха сирэ – дьоруойдар дойдулара” каадырабай бырагырааманы федеральнай СМИ-лэр биһирээтилэр

“Саха сирэ – дьоруойдар дойдулара” (“Якутия – Земля героев”) каадыр бырагырааматын федеральнай СМИ-лэр олус биһирээтилэр. Онон бу туһунан дьоһун сонуннары кэпсиибит.

Бырагыраама уопсастыбаннай сэбиэтин бэрэссэдээтэлэ, СӨ Ил Дарханын уонна СӨ Бырабыыталыстыбатын Дьаһалтатын салайааччыта Георгий Михайлов ANNA-NEWS иһитиннэрэр агентствотыгар бу бырагыраама туох уратылааҕын, үчүгэйдээҕин арыйда.

— “Якутия – Земля героев” каадыр бырагыраамата туох үчүгэйдээҕин, туһалааҕын туһунан эттэххэ, биһиги хамаандабытыгар “Дьоруойдар кэмнэрэ” “(“Время героев”) федеральнай бырагыраама кыттыылааҕа, Арассыыйа Дьоруойа Игорь Юргин хайы-үйэ Саха сирин ыччат дьыалаларыгар уонна социальнай коммуникацияларга миниистирин эбээһинэһин толорор. Кини Уопсастыбаннай сэбиэт састаабыгар эмиэ баар. Биһиги кини уопутугар тирэҕирэбит”, — диэн Михайлов федеральнай агентствоҕа иһитиннэрдэ.

Саха сирин Ил Дархана Айсен Николаев олоххо киллэрбит “Якутия – земля героев” бырагыраама Арассыыйа Бэрэсидьиэнэ Владимир Путин көҕүлээбит “Время героев” бырайыагын салҕааччынан буолар.

Бырагыраама туһунан сиһилии — якутияземлягероев.рф саайтка