«Саха сирэ — Дьоруойдар дойдулара»: саҥа көлүөнэ салайааччылары бэлэмниир

«Саха сирэ- Дьоруойдар дойдулара» ураты кадровай бырагыраама саҥа көлүөнэ салайааччылары иитэн таһаарар.

Бырайыак сүрүн соруктарын туһунан Ил Түмэн дьокутаата Николай Бугаев кэпсиир:

-Аныгы кэм салайааччыттан ураты хаачыстыбаны ирдиир, — диэн тоһоҕолоон этэр Бугаев. – Дойдуга да, аан дойдуга да экэнэмиичэскэй уонна бэлитиичэскэй балаһыанньа уустугуран иһэр. Ол иһин чуолкай быһаарыыны суһаллык ылына охсор исписэлиистэр наадалар.

Дьокутаат этэринэн, «Саха сирэ- Дьоруойдар дойдулара» бырагыраама бу соругу ситиһиилээхтик толорор:

—Биһиги кыттааччыларбыт үксүлэрэ саамай кытаанах ирдэбилгэ сөп түбэһэллэригэр эрэнэбин. Бырагыраама бүтэрин саҕана кинилэр үрдүкү кылаастаах исписэлиистэр, дьиҥнээх салайааччылар буолан тахсыахтара, — диэтэ Бугаев.

Владимир Путин көҕүлээһининэн уонна Ил Дархан Айсен Николаев көхтөөх кыттыытынан, сыратынан эрэгийиэннээҕи каадыр бырагыраамата байыаннай дьайыы кыттыылаахтарыгар көмөлөһөр, сайдалларыгар саҥа кыаҕы биэрэр.