“Саха сирэ – Дьоруойдар дойдулара” каадыр бырагырааматыгар сайаапкалары ылыы салҕанар

Көхтөөхтүк кыттыы бэлиэтэнэр. Ол курдук, кулун тутар 5 күнүнээҕи туругунан, өрөспүүбүлүкэ бары оройуоннарыттан байыаннай дьайыы кыттыылаахтара  350 сайаапканы биэрбиттэр. Саамай элбэх сайаапка Дьокуускай, Мииринэй, Алдан, Ньурба, Нерюнгри, Мэҥэ Хаҥалас оройуоннарыттан киирбит. Билигин инники кирбиигэ сылдьар байыастартан сайаапкалары туппуттар.

“Саха сирэ – Дьоруойдар дойдулара” (“Якутия – Земля героев”) каадыр бырагыраамата Арассыыйа Бэрэсидьиэнин сорудаҕынан Бүтүн Арассыыйатааҕы көҕүлээһин чэрчитинэн олоххо киирэр. Байыаннай дьайыы кыттыылаахтара үөрэнэр уонна салгыы судаарыстыбаннай сектор тэрилтэлэригэр үлэҕэ киирэр, ону тэҥэ уопсастыбаннай үлэҕэ бэйэлэрин көрдөрөр кыахтаналлар.

Бырагыраама саҕаламмытын туһунан Саха сирин Ил Дархана Айсен Николаев олунньу 1 күнүгэр иһитиннэрбитэ. Бырагыраама салайыы аныгы ньымаларыгар уонна технологияларыгар үөрэтэр, хамаанданан үлэҕэ бэлэмниир уонна киһини тус бэйэтин сайыннарар.

Бырагыраамаҕа кыттыы усулуобуйата:

— Арассыыйа Федерациятын гражданствота;

— Байыаннай дьайыыга кыттыы;

— орто анал уонна/эбэтэр үрдүк үөрэх;

— дьону салайыыга уопута.

Сайаапкалары ылыы – 2025 сыл кулун тутар 21 күнүгэр диэри якутияземлягероев.рф саайтыгар