«Саха сирэ – Дьоруойдар сирдэрэ»: байыастарга саҥа идэни баһылыырга бырагыраама хайдах көмөлөһөрүй?

Байыаннай дьайыы кэннэ эйэлээх олоххо төннүү – хас биирдии бэтэрээҥҥэ уустук кэрдиис кэм буолар. Үгүстэр идэ таларыгар ыарырҕаталлар, олоххо бэйэлэрин миэстэлэрин булунарга уустуктары көрсөллөр.

Ил Дархан Айсен Николаев көҕүлээбит «Саха сирэ – Дьоруойдар сирдэрэ» каадыр бырагыраамата ити кыһалҕаны быһаарар, дьоруойдарга судаарыстыбаннай салайыыга уонна бырамыысыланнаска карьера оҥостоллоругар кыах биэрэр аналлаах.

Константин Помирчий олоҕун суола – сайдыыга тохтообот дьулуур холобура. Кини БАМ тутааччыларын дьиэ кэргэнигэр улааппыта, олоххо тутуһар бириинсиптэригэр олоҕуран, дойду уонна уопсастыба туһугар туруорунар сыалларыгар улаханнык дьайбыта.

Быраабы араҥаччылыыр уорганнарга үлэлээн, майор сыбаанньалаах биэнсийэҕэ тахсан баран, Константин бэйэтин иэһинэн ааҕынан байыаннай дьайыы зонатыгар барарга быһаарыммыта. Фроҥҥа кини пилота суох көтөр аппарат (БПЛА) оператор-байыаһыттан взвод хамандыырын солбуйааччытыгар диэри үүммүтэ. Күүстээх ытыалаһыы уотун аннынан бааһырбыт табаарыһын быыһаабытын иһин «Хорсунун иһин» мэтээлинэн наҕараадаламмыта.

Төннөн кэлэн баран, Константин Игоревич «Якутуголь» АУ-гар терроризмы утары харыстабыл исписэлииһинэн үлэҕэ киирбитэ. Ол эрээри, киниэхэ дьиҥнээх үктэлинэн «Саха сирэ – Дьоруойдар сирдэрэ» каадыр бырагыраамата буолла. Билигин курсаан Нерюнгри оройуонун дьаһалтатыгар оройуон баһылыга Роман Щегельняк уһуйуутунан стажировканы ааһа сылдьар. Инникитин – өрөспүүбүлүкэ тэрилтэлэригэр стажировкалааһын уонна дьупулуомунай бырайыагын көмүскээһин күүтэр.