Хаартыска: Мария Васильева, ЯСИА
Саха сирин 14 улууһугар «Саха сирэ – Дьоруойдар сирдэрэ» каадыр бырагырааматын кыттааччыларын стажировката салҕанар.
Куурсаннар муниципальнай тэриллиилэр дьаһалталарыгар үлэлииллэр, олохтоох салайыныы үлэтин баһылыыллар, онно тиийэн үлэ уратыларын кытта билсэллэр уонна сирдэри-уоттары сайыннарыыга бэйэлэрин бырайыактарын олоххо киллэрэллэр. Бу туһунан www.sakha.gov.ru суруйар.
Алта нэдиэлэлээх быраакытка үөрэх булгуччулаах түһүмэҕэ буолар уонна хас биирдии кыттааччыга оҥоһуллубут тус бэйэ былаанынан ыытыллар. Хас биирдии куурсаҥҥа уопуттаах муниципальнай салайааччылартан сүбэһит сыһыарыллар, үлэлиир миэстэнэн уонна идэтийэн сайдалларыгар эрэйиллэр усулуобуйанан хааччыллаллар. Маннык систиэмэ теоретическай билиилэри уонна дьиҥнээх салайар уопуту дьүөрэлииргэ кыах биэрэр.
«Саха сирэ – Дьоруойдар сирдэрэ» каадыр бырагырааматын Уопсастыбаннай Сэбиэтин бэрэссэдээтэлэ, СӨ Ил Дарханын уонна Бырабыыталыстыбатын дьаһалтатын салайааччыта Георгий Михайлов стажировка көрүҥэ кэлэр кэскиллээх салайааччылары систиэмэлээхтик бэлэмнииргэ кыах биэрэрин бэлиэтээтэ.
«Куурсаннарга стажировка уопуту уонна үөрэҕи иҥэринэллэригэр суолталаах түһүмэҕинэн буолбутун эрэллээхтик этиэххэ сөп. Тэрийээччилэр, сүбэһиттэр, былаас уорганнарын уонна уопсастыбаннас бэрэстэбиитэллэрин биир күүһүнэн үлэлээн, эдэр исписэлиистэргэ аныгы салайыы олоҕун быраакыткаҕа баһылыырга кыах биэрэр биир кэлим систиэмэ олохтонно», — диэн Георгий Михайлов бэлиэтээтэ.
Стажировка кэмигэр куурсаннар олохтоох салайыныы уорганнарын үлэтигэр көхтөөхтүк кытталлар: мунньахтарга, сырыыларга, уопсастыбаннай хамыыһыйалар үлэлэригэр кыттыһаллар, социальнай уонна экэнэмиичэскэй бырассыастары кытта билсэллэр. Бу кинилэргэ муниципальнай таһымнаах соруктары уонна муниципальнай былаас үлэтин уратытын дириҥник өйдүүргэ кыах биэрэр. Сиһилии бу сигэнэн киирэн ааҕыҥ: https://www.sakha.gov.ru/news/13468
Кыра оҕолордоох ийэлэр оҕо түүн уһуктарыттан сылтаан, ууларын хамматтар, онтон сылтаан доруобуйалара да эмсэҕэлиэн сөп.…
«Көмүс күһүн» Бүтүн Арассыыйатааҕы агробырамыысыланнай быыстапкаҕа түмүктэри таһаарыы бастакы күнүгэр Арассыыйа Наукаларын академиятын Сибиирдээҕи салаатын…
Япония Осака куоратыгар ЭКСПО Аан дойдутааҕы быыстапката түмүктэнэн эрэр. Алта ый устата 158 дойду ситиһиитин…
Ил Түмэн дьокутаата Антонина Григорьева Ил Түмэҥҥэ Саха Өрөспүүбүлүкэтин Төрүт Сокуонугар уларытыылары киллэриигэ анаммыт аһаҕас…
Саха эстрадатын биир биллэр-көстөр ырыаһыта Эрхаан Саха Өрөспүүбүлүкэтин Үтүөлээх артыыһа бочуоттаах ааты тутта. Билигин Дьокуускайга…
Саха сириттэн Айтал Коркин «Гордость нации – 2025» бириэмийэ эрэгийиэннэр икки ардыларынааҕы түһүмэҕин «Судаарыстыбаннай национальнай…