«Саха сирэ — Дьоруойдар сирдэрэ» бырагыраама үлэтэ салҕанар

«Саха сирэ — Дьоруойдар сирдэрэ» бырагыраамаҕа инновационнай ньымаларынан үөрэтии үлэтэ  салҕанар. Бырайыагы номнуо өрөспүүбүлүкэ «Селигерынан» ааттыыллар. Бастакы сүүмэрдээһиҥҥэ байыаннай дьайыы 25 бэтэрээнэ кыттар.

Бырагыраама  сүрүн уратытынан, хардарыта сибээс буолар. Хас лиэксийэ кэнниттэн курсааннар QR-куод нөҥүө спикеры сыаналыыллар, бэйэлэрин  санааларын үллэстэллэр.  Бырагыраама куратордара бэлиэтииллэринэн, сыанабыллар араастар. Курсааннар санааларын бэйэ-бэйэлэрин кытта атастаһаллар, кэпсэтэллэр.

Онон бырагыраама ситиһиилээхтик үлэлиир буолан, инникитин өрөспүүбүлүкэ каадырын бэлэмнииргэ тирэх буолуо диэн бэлиэтииллэр.

Бырайыак «Время героев» диэн дойду бэрисидьиэнэ Владимир Путин идиэйэтинэн тэриллибитэ. Оттон биһиги бырагыраамабыт бу бырайыак салҕааһынын быһыытынан Ил Дархан Айсен Николаев көҕүлээһининэн ситиһиилээхтик үлэлиир.