«Саха сирэ – Дьоруойдар сирдэрэ»: Уопсастыбаннай сэбиэт үлэтин билиһиннэрдилэр

СӨ Ил Дарханын уонна Бырабыыталыстыбатын дьаһалтатын салайааччыта Георгий Михайлов «Саха сирэ – Дьоруойдар сирдэрэ» эрэгийиэннээҕи киэҥ хабааннаах каадыр бырайыагын чэрчитинэн үлэлиир Уопсастыбаннай сэбиэт үлэтин  билиһиннэрдэ.

Ил Дархан Айсен Николаев көҕүлээһининэн тэриллибит Сэбиэт, бырагыраама кыттыылаахтарын арыаллыыр суолталаах соруктары толорор. Михайлов бэлиэтээбитинэн, сэбиэт эппиэтинэһигэр маннык соруктар киирэллэр:

• — бырагыраамаҕа кыттар хандьыдааттары сүүмэрдээһиҥҥэ көхтөөхтүк кыттыы;
• — уопуттаах салайааччылар истэриттэн уһуйааччылары талыы;
• — үөрэх хаамыытын кэтээн көрүү уонна сааһылааһын.

– Уолаттар өрөспүүбүлүкэбит туһугар өссө күүскэ үлэлиир буолалларын ситиһэр инниттэн, үөрэх бырагырааматын кэмигэр сааһылыырга анаан биһиги преподавателлэри уонна уһуйааччылары кытта мэлдьи сибээстэһэбит, – диэн дьаһалта салайааччыта бэлиэтээтэ.

Санатан эттэххэ, РФ Бэрэсидьиэнэ Владимир Путин көҕүлээһининэн саҕаламмыт уонна Ил Дархан Айсен Николаев этиитинэн сайдыбыт «Дьоруойдар кэмнэрэ» бырагыраама байыаннай дьайыы кыттыылаахтарын өйүүргэ улахан суолталаах. Бырагыраама байыастарга комплекснай көмөнү оҥорор, ол иһигэр идэтийбит үөрэҕи уонна судаарыстыбаннай секторга үлэнэн хааччыйыыны киллэрэн туран, өрөспүүбүлүкэ сайдарын туһугар бэйэлэрин билиилэрин уонна лидер хаачыстыбаларын сайыннарыыга кыах биэрэр.