Саха сирэ экорейтиннэргэ бастыҥнар кэккэлэригэр киирдэ

Рейтиннэри таһаарар ааҕыныстыбалар 2022 сыл түмүгүнэн экорейтиннэри оҥордулар. Саха сирэ уон бастыҥнар кэккэлэригэр баар, онон үрдүк көрдөрүүлэрдээх эрэгийиэннэр ахсааннарыгар киирдэ.

Ол курдук, AV Group дойду бэрэсидьиэнэ сорудахтаабыт национальнай сыаллар олоххо киириилэрин отчуоттаата. Экология соруктарын сиппит бастыҥ эрэгийиэннэр кэккэлэригэр Саха сирэ сэттис миэстэ буолла.

Оттон Москватааҕы судаарыстыбаннай университет национальнай рейтинговай ааҕыныстыбаны кытта сайдыы уонна ESG-киритиэрийдэрин сыаналаата. Манна Саха сирэ үһүс кэккэҕэ тахсан, Татарстааны уонна Тюменьскай уобалаһы кытта бастыҥ үлэлээх эрэгийиэннэр буоллулар.

АКРА рейтинигэр өрөспүүбүлүкэбит 7-9 кэккэҕэ сылдьар.