Саха сирэ “Улахан этнографическай дьыктааҥҥа” кыттыһыаҕа. Норуоттар култуураларын билиини тургутар дьыктаан сэтинньи 3-8 күннэригэр ыытыллар.
Этнографическай дьыктаан сэттис төгүлүн ыытыллар, биһиги дойдубутугар олорор норуоттар историяларыгар, култуураларыгар, үгэстэригэр болҕомтону тардар сыаллаах. Бу маннык билии-көрүү Арассыыйаҕа норуоттар сомоҕолоһууларыгар, бииргэ өйдөһөн-өйөһөн олороллоругар, эйэлээх буолалларыгар көмөлөһөрө саарбаҕа суох.
Быйыл дьыктаан 2 сорудахтаах: сорудахтары 16 саастарыгар диэри уонна 16-тан үөһэ саастаахтарга диэн араардылар. Биир сорудах 30 ыйытыылаах: 20 – уопсай, 10 – тустаах эрэгийиэҥҥэ сыһыаннаах.
Дьокуускайга Этнографическай дьыктааны маннык аадырыстарга суруйуохха сөп:
— сэтинньи 3 күнүгэр 4 чаастан — М.К. Аммосов аатынан ХИФУ Кылаабынай үөрэнэр куорпуһугар, Устудьуоннар көҕүлээһиннэрин киинигэр (Кулаковскай уул. 42-с дьиэтэ);
— сэтинньи 3 күнүгэр 4 чаастан — Өксөкүлээх Өлөксөй аатынан Норуоттар доҕордоһууларын дьиэтигэр (Поярков уул., 4-с дь.);
— сэтинньи 5 күнүгэр сарысарда 11 чаастан – Пушкин аатынан Национальнай бибилэтиэкэҕэ Историческай саалаҕа уонна кыраайы үөрэтэр литература саалатыгар (Ленин пр., 40-с дьиэтэ);
— сэтинньи 5 күнүгэр күнүс 3 чаастан – «Smart» бибилэтиэкэҕэ (203-с түөлбэ).
Ону тэҥэ, сэтинньи 3-8 күннэригэр www.miretno.ru саайтка киирэн, онлайн-көрүҥүнэн хоруйдуохха эмиэ сөп. Муҥутуур баал – 100, бэриллэр бириэмэтэ – 45 мүнүүтэ. Сөптөөх эппиэттэр бу саайтка сэтинньи 11 күнүгэр тахсыахтара.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…