Саха сирин Ил Дархана Айсен Николаев Санкт-Петербурдааҕы ХI норуоттар икки ардыларынааҕы гаас пуорумун кэмигэр тэрээһин “гаас хостуур салааҕа сүдү суолталааҕынан” ыйда.
Ил Дархан этэринэн, бырамыыслыннас бу салаатыгар Саха сирэ биэс тарбах иһигэр киирсэр. Онон бу пуорумҥа «биһиги бэрт киэҥ далааһыннаах кыттыыны ылабыт” диэн тоһоҕолоон эттэ. Айсен Николаев пуорум чэрчитинэн гаастааһын уонна убатыллыбыт гааһы оҥорор салааны сайыннарыы туһунан кэскиллээх кэпсэтиллэри буолбуттарын туһунан кэпсээтэ.
“Гааһы убатан туһаныы Сахабыт сиригэр улахан кэскиллээх хайысха. Холобур, гаас ситимэ кыайан тиийбэт ыраах сытар нэһиэнньэлээх пууннарбытын гаас уматыкка көһөрүүгэ төһүү буолуоҕа. “Газпром” аннынан үлэлиир тэрилтэни кытта Аллараа Бэстээх чугаһыгар дьоҕус кыамталаах собуот тутар туһунан былаан баар. Бу эбийиэк тутуутун кэм кэрдиистэрин бэҕэһээ пуорумҥа ырыттыбыт”, — диэн кини үтүө сонуну билиһиннэрдэ.
Пуорум чэрчитинэн «Газпром» хампаанньа технологическай сайдыытын туһунан мунньахха Айсен Николаев Саха сирин соҕуруу улуустарын гаастааһын кыһалҕатын көтөхтө. Бу хайысханы түргэтэтэр сыалтан өрөспүүбүлүкэҕэ гааһынан дьарыктанар «Сахатранснефтегаз» бу бырайыакка кыттыан сөбүн ыйда. “Киирбит этиини ылыннылар. Онон «Сахатранснефтегаз» уонна «Газпром» сотору кэминэн сөбүлэҥ түһэрсэн өрөспүүбүлүкэ соҕуруу улуустарын гаастааһыҥҥа кыттыһыахтара”, — диэтэ Ил Дархан.
«Саха сирэ» хаһыат
Саха сиригэр көҕүлээһини өйөөн, аборт оҥорорго лицензиятын төннөрбүт бастакы чааһынай килииньикэнэн «Яннамед» буолла. Бу быһаарыыны…
Сэтинньи 4 күнүгэр Арассыыйаҕа Норуот сомоҕолоһуутун күнүн бэлиэтииллэр. Бу – норуот сомоҕолоһуутун, хардарыта көмөлөһүүтүн уонна…
Өрөспүүбүлүкэ киинигэр сэтинньи 8-9 күннэригэр күрэхтэһэр пилота суох көтөр аппарааттарга Саха сирин Куубага ыытыллара былааннанар.…
Норуот сомоҕолоһуутун күнүнэн, Саха сирин национальнай аһын-үөлүн «сүрэҕэр» – «Тыгын Дархан» эрэстэрээҥҥэ дойду нэһилиэстибэтигэр анаммыт…
Саха сиригэр бу сыл тоҕус ыйын түмүгүнэн дьиэ кэргэҥҥэ сыһыаннаах бэлиэтэммит буруйу оҥоруулар ахсаана 8,6%-нан…
Байыаннай дьайыы кэмигэр Арассыыйа байыаннайдара былдьаабыт трофейнай байыаннай тиэхиньикэлэрин быыстапката Дьокуускай куорат «Арассыыйа – мин…