Андрей Сорокин хаартыскаҕа түһэриитэ
Ил Дархан Айсен Николаев бэлитиичэскэй уонна судаарыстыбаннай диэйэтэл, ССКП обкуомун бастакы сэкирэтээрэ Гавриил Чиряев үйэлээх үбүлүөйүгэр бэлэмнэнии үлэлэр хайдах баран иһэллэрин бэрэбиэркэлээтэ.
СӨ Ил Дарханын дьаһалынан тэрийэр кэмитиэт тэриллибитэ, тэрээһиннэр былааннара оҥоһуллубута. Сүрүн тэрээһиннэр муус устар 3-4 күннэригэр, Гавриил Иосифович төрөөбүт күнүгэр былааннанан тураллар. Онтон 2025 сыл устатыгар барыта 40 араас тэрээһин ыытыллыахтаах.
Гавриил Чиряев өрөспүүбүлүкэ социальнай-экэнэмиичэскэй сайдыытыгар кылаатын бэлиэтээн туран, Айсен Николаев бары тэрээһиннэр үрдүк таһымнаахтык ыытыллалларыгар болҕомтотун уурда.
«Гавриил Иофович Чиряев – өрөспүүбүлүкэбит сайдыытыгар улахан оруоллаах ытык киһи. Саха норуотун чулуу уолун үйэлээх үбүлүөйүгэр анаммыт тэрээһиннэр барыта дьоһуннаахтык, үрдүк таһымнаахтык ыытыллыахтаахтар«, — диэтэ кини.
Гавриил Чиряев төрөөбүт дойдутугар, Чочуга, дьаһалта күүһүнэн балаҕан чөлүгэр түһэриллибит. Ону сэргэ, онно уот ситимигэр хапытаалынай өрөмүөн ыытыллыбыт. Уһуйаан дьиэтин түмэлгэ анаан саҥалыы уларытан оҥорбуттар. Манна урукку түмэл дьиэтиттэн араас экспонаттары, кинигэлэри аҕалан уураллар.
Ити курдук тэрээһинэр ортолоругар Чиряев олоҕун уонна үлэтин-хамнаһын туһунан кинигэ биһирэмэ, уопсастыбаннас мунньаҕа, документальнай киинэ, испэктээк, түмэллэргэ тематическай быыстапкалар, научнай-практическай кэмпириэнсийэлэр, уо.д.а. тэрээһиннэр былааннаналлар.
Сиһилии https://www.sakha.gov.ru/news/front/view/id/3484645 манна киирэн көрүөххэ сөп.
СӨ Ил Дарханын уонна Бырабыыталыстыбатын пресс-сулууспата
Андрей Сорокин хаартыскаҕа түһэриитэ, СИА
Тимир болгуону уһаарар түһүлгэлэригэр дьахталлары киллэрбэттэр эбит. Онон саха тимир уустара тимир болгуону уһааран таһаарар…
Бу чааска Ил Дархан Айсен Николаев Нерюнгригэ ыытылла турар Олоҥхо ыһыаҕар саха уустарын кытта тимир…
От ыйын 1 күнүгэр Бүлүү оройуоннааҕы суута кафе-бар үлэтин 30 хонукка тохтотор туһунан уурааҕы таһаарда. …
Бу эбийиэктэр “Үтүө дьыала хамсааһын” уонна “СӨ култуураны сайыннарыы” судаарыстыбаннай бырагыраама чэрчилэринэн киириэхтэрэ. Дьааҥы улууһун…
Бу күннэргэ социальнай ситимҥэ Дьокуускай куоракка Можайскай уулуссаҕа биир эр киһи массыыналаах киһини охсуталыыр видеота…
Ис дьыала министиэристибэтин Чурапчытааҕы дьуһуурунай чааһыгар маҕаһыын хаһаайыныттан сайабылыанньа киирбит. Ол курдук маҕаһыыныттан 77 000 …