Салгыы
“Саха сирэ” хаһыат чэппиэрдээҕи нүөмэригэр тугу суруйда?  

“Саха сирэ” хаһыат чэппиэрдээҕи нүөмэригэр тугу суруйда?  

09.12.2022, 09:15
Бөлөххө киир:

Бү күннэргэ “Саха сирэ” хаһыакка чэпчэтиилээх сурутуу буола турар. Онон бэрт кэрэхсэбиллээх матырыйааллардаах, олох бүгүҥҥү көстүүлэрин анаарыы, ырытыы ыстатыйалардаах өрөспүүбүлүкэ биир тарбахха баттанар хаһыатыгар чэпчэтиилээх сурутуу кэмин көтүппэккэ сурутаргытыгар ыҥырабын. Ким сурутуон баҕалаах Бэчээт дьиэтин 2-с этээһигэр баар “Саха сирэ” хаһыат эрэдээксийэтигэр кэлэн билсиэххитин сөп. Эһиэхэ хайдах чэпчэтиилээх сурутууга кыттыаххытын сөбүн сиһилии быһаарыахтара уонна сурутууга эппиэттээх анал исписэлиискэ сирдиэхтэрэ.

Оттон ахсынньы 8 күнүнээҕи чэппиэрдээҕи нүөмэригэр «Саха сирэ» хаһыат тугу суруйбутун кылгастык быһа тардан билиһиннэрдэххэ маннык.

“Сүөһүгүн страховкалаппытыҥ дуо?” диэн, аата да этэрин курдук, интэриэһи тардар матырыйаал. Суруналыыс Женни Стрюкова бу тиэмэҕэ матырыйаал оҥороору улуустартан туоһуласта. Онон интэриэһи тардар ырытыы ыстатыйаны ааҕыҥ уонна сэргээҥ.

Бу күннэргэ Ил Түмэҥҥэ көрүллүбүт арыгыны атыылааһын боппуруоһа көрүллүөҕүттэн, дьон-сэргэ арыгы туочукаларны туһунан үгүстүк ырытар, дьүүллэһэр. Бүгүн суруналыыс Сайаана Львова Дьокуускай куорат мээрэ бу боппуроска хайдах ылсыбытын ырытан суруйбута болҕомтону тардыаҕа.

Бүлүү Лөкөчөөнүн уола ыраах Тамбовка хайдах тиийэн хаалбытын, 42 сыл устата олоҕун авиацияҕа анаабыт Виктор Новиков идэтигэр хайдах курдук бэриниилээҕин туһунан Аан дойдутааҕы авиация күнүгэр анаан суруналыыс Анивера Акимова матырыйаалыгар ааҕыҥ.

Билигин командировкаҕа ханнык да ыраах улууска сырыттахха, оройуон кииннэрэ, нэһилиэктэр олус тупсаҕай көрүҥнэммиттэрэ харахха быраҕыллар. Ол — СӨ Аҕа баһылыгын иһинэн үлэлиир Архитектура уонна куораты тупсарыы управлениетын салалтата былааннаах үлэни тэрийбитин кытта ыкса сибээстээҕэ чахчы. Аан бастаан ыытыллыбыт «ЭЙГЭ-2022» 10 мөлүйүөн солкуобай бириэмийэтин Муҥутуур кыайыылааҕын быһаарар үөрүүлээх киэһэҕэ Горнай улууһун Бэрдьигэстээх сэлиэнньэтэ буолбута билиннэ. Горнай улууһа «ЭЙГЭ-2022» бириэмийэҕэ барыта 23 сайаапканы  киллэрбит. Онтон 7 эбийиэк 100 бастыҥ эбийиэк испииһэгэр киирбит, икки улахан  эбийиэк — Маҕарас нэһилиэгин мини-паарката уонна Бэрдьигэстээх сэлиэнньэтин дизайн-кода  номинация кыайыылаахтарынан буоллулар уонна… 10 мөлүйүөн солкуобай бириэмийэни ыллылар. “Кыайбыт үпкүтүн хайдах туһанаҕытый?” – диэн суруналыыстар ыйытыыбытыгар баһылык Никита Андреев  туох диэн хоруйдаабытын бүгүҥҥү хаһыакка ааҕыҥ.

“Биирдэ нэһилиэкпит биир олохтооҕо: «Оҕолоргутугар тоҕо иномарка ылбаккытый? Иккиэн үөрэхтэригэр үчүгэйдэр дии» диэн ыйыппытыгар аҕалара: “Ити иитии биир ньымата. Кэлин улааттахтарына олохторугар туһалыа” диэбитэ.  Инньэ гынан массыыналара ханан туга моһуоктуурун эндэппэккэ билэллэрэ, бэйэлэрэ өрөмүөннээн, өр сүүрдүбүттэрэ. Кэлин үөрэнэ сырыттаҕына, Янтан преподавателэ “мэхээньикэни эндэппэккэ билэҕин, ким маннык үөрэппитэй?” диэн ыйытара үһү. Аҕатын ииппит үөрүйэҕэ билигин атомнай ледоколу ыытар хапытаан көмөлөһөөччүтүгэр тиийэ тиэртэҕэ”, — диэн билигин Хотугу Муустаах аыкйааҥҥа уста сылдьар ледоколу салайар хапытаан үһүс көмөлөһөөччүтэ, Нам улууһун 2-с Хомустааҕын ыччата, 24 саастаах Ян Рожин хайдах дьиэ кэргэҥҥэ иитиллибитин ийэтэ Яна Рожина кэпсиирин аахтаххытына үгүһү билиэххит.

Алтынньы саҥатыгар хаһыаппытыгар Александр Тарасов  “Натааһа абырыыр дуу, алдьатар дуу?” диэн матырыйаалыгар портативнай гараас туһунан суруйуутун ааҕааччылар бэркэ сэҥээрбиттэрэ. Бүгүн бу портативнай гараас туһунан суруналыыс салгыы билиһиннэрэр. Ааптар туох саҥа сүүрээни соһуйа көрөн, хаартыскаҕа түһэрдэ? Арааһа, бу хаартысканы көрөөт, үгүс киһи “Натааһа” саҥа көрүҥүн көрдүү сүүрэрэ буолуо. Онон бу матырыйаалы бүгүҥҥү хаһыакка ааҕыҥ уонна сэргээҥ.

“Урут хаартыскалары кыра да буоллар, син  мунньаллар эбит. Мин тыйаатырга аан бастаан кэлэрбэр кырдьаҕас артыыстары тыыннаахтарына син баттаспытым. Онон,  кинилэр дьиэлэригэр сылдьаммын, альбомнарыттан көрөн уларсан, хос бэчэээттэтэн оҥорторорум.

Уопсайынан, тыыйаатырга артыыс буола да иликпиттэн мунньар идэнэн дьарыктаммыт эбиппин. Тоҕо диэтэххэ, оскуолаҕа үөрэнэ сылдьан, оччотооҕу кэм хаһыаттарыгар:  “Социалистическая Якутия”, “Кыым”, “Эдэр коммунист”, “Бэлэм буол” уонна  “Хотугу сулус” сурунаалга туох эмэ интэриэһинэй бэчээттэммитин буллум да, төрөппүттэрим ааҕа да иликтэринэ кырыйаммын мөҕүллэр буоларым.  Онон, Сергей Потапов туруорар  премьератын долгуйа күүтэр дьонтон биирдэстэрэбин” – ким маннык бэйэтин санаатын суруналыыс Надежда Егороваҕа кэпсээтэ? Бу туһунан бүгүҥҥү хаһыаттан билиэххит.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
29 марта
  • -15°C
  • Ощущается: -22°Влажность: 47% Скорость ветра: 4 м/с

Сообщить об опечатке

Текст, который будет отправлен нашим редакторам: