Бу күннэргэ ыһаарыламмыт собо «Саха сирэ» хаһыат үрдүгэр уруһуйдаммыта социальнай ситимнэринэн тарҕана турар.
Мин эмиэ, бастаан утаа көрөөт, дьиҥнээх ыһаарыламмыт собо дии санаабытым. Ол уруһуй эбит! Мэктиэтигэр эргитэ-эргитэ көрө сатаатым. Олох киһи дьиҥнээх ыһаары соботтон араарбат уруһуйа, доҕоттор. Бу суруйуум дьоруойугар Николай Уваровскайга эрийэ сырыттым уонна уруһуй устуоруйатын ыйыттым. Онуоха ытык Тааттаттан төрүттээх мас ууһа маннык кэпсээннээх буолла:
— Бу уруһуй ааптара Василий Камшилин Краснодартан кэлэн, Саха сирин сөбүлээн олохсуйа хаалбыт худуоһунньук. Дьиктитэ баара, соҕуруу барыан олох баҕарбат. Тымныыны, биһиги айылҕабытын быдан ордорор. Василий итинник уруһуйдуурун көрөн баран, бэйэм туһунан суруллубут ыстатыйабын уратытык үйэтитэргэ санаммытым. Эн миигин кытта былырыын баччаларга кэпсэппитиҥ дии. Ол интервьюҥ ыам ыйын 9 күнүгэр «Сатабыл» рубрикаҕа тахсыбытын быйыл Улуу Кыайыы 80 сылыгар итинник бэйэбэр бэлэх оҥорорго санаммытым. Матырыйаалы олус сөбүлээн, икки-үс хаһыаты анаан атыыласпытым. Онон ити биирбин уруһуйунан үйэтиттим.
Василий Камшилин хаһыат үрдүгэр араас балыктары уруһуйдуур. Тоҥ кыһыллар балыгы анаан уруһуйдаабыта эмиэ ураты тиэхиньикэ этэ. Сүрүннээн гуашь уонна тушь кыраасканан уруһуйдуур. Онон «Сатабылгар» кинини эмиэ дьоруой быһыытынан ыларгар сүбэлиибин. Айар куттаахтар: уустар, худуоһунньуктар, ювелирдар уо. д.а. анал бөлөхтөөхпүт. Василий ол онно ыытар уруһайдара ити тарҕаналлар, — диэн санаатын үллэһиннэ «Үлэтэ барыта — сахалыы тыыннаах» матырыйаалым дьоруойа Николай Уваровскай.
Росгвардия территориальнай управлениетын ОМОН баазатыгар «Бизон» этэрээт тэриллиитин күнүгэр үөрүүлээх тэрээһин буолан ааста. «Бизон байыастарын…
Ис-тас атыы-эргиэн арыта аһара баран, аны дуоллар тиһигэ туллаҥнаан Эмиэрикэлэр экэнэмиэкэлэрин "эргичитэллэр".
Дьокуускайга "Звездный" түөлбэ бастакы уулуссата аатырбыт сэбиэскэй лүөччүк дьахтар Вера Захарова аатын сүгэр. Бу уулуссаҕа…
Хаҥалас оройуонугар 49 саастаах дьахтар холуобунай дьыалаҕа уорбаланар. Кини чугас дьонун эчэппит. Быһылаан кулун тутар…
Саха сиригэр биллэр судаарыстыбаннай, бэлитиичэскэй диэйэтэл Гавриил Чиряев төрөөбүтэ 100 сылын киэҥник бэлиэтииллэр. Кини үбүлүөйүн…
С.Ф.Гоголев аатынан Дьокуускайдааҕы педагогическай кэллиэскэ бу сыл муус устар 12 күнүгэр аһаҕас аан күнүн ыыталлар.…