До выборов президента РФ
00 дней
:
00 часов
:
00 минут
:
00 секунд
«Саха сирэ» хаһыат саайта үлэлээбитэ биир сыл буолла

«Саха сирэ» хаһыат саайта үлэлээбитэ биир сыл буолла

Ааптар:
27.09.2023, 17:49
Хаартыска: sakha-sire.ru
Бөлөххө киир:

Бүгүн, балаҕан ыйын 27 күнүгэр, Судаарыстыбаннас күнүгэр “Саха сирэ” хаһыат sakha-sire.ru саайта үлэлээбитэ сыл буолла. Саайтка хаһыат матырыйаалларын таһынан өрөспүүбүлүкэ, Арассыыйа, аан дойду күннээҕи сонуннара тахса тураллар.

2021 сыллаахха «Саха сирэ» хаһыат тэриллибитэ 100 сылын чэрчитинэн, саҥа саайт толкуйданан барбыта. Саайт силигэ ситэн, былырыын баччаларга Судаарыстыбаннас күнүгэр, үөрүүлээх быһыыга-майгыга үлэтин саҕалаабыта. Онон «Саха сирэ» хаһыат эрэдээксийэтэ билигин хаһыат таһаарарын таһынан икки саайты — edersaas.ru уонна sakha-sire.ru саайтары  үлэлэтэр.

Саайт кэрэспэдьиэннэрэ күннээҕи сонуннары таһынан интервьюлары, сүбэлэри-амалары, ыйытыыларга хоруйдары, интэриэһинэй хаартыскалары, видеолары, ааҕааччыларбыт суруктарын тиһигин быспакка таһаараллар.

Сыл устата саамай элбэхтэ ааҕыллыбыт матырыйаалларынан суруналыыс Ангелина Васильева Көрбүөччү Мари-Сырдык Күүс 2023 сылы билгэлээбитин, 35 саастаах Дьоруой ийэ туһунан суруйбута уонна Елена Потоцкая Тускул сайыны билгэлээбитэ буоллулар.

Бүгүҥҥү күҥҥэ туһааннаах бырагыраама көрдөрөрүнэн, 12 ый устата sakha-sire.ru саайтка тахсыбыт суруйуулары барытын холбоон 4,63 мөлүйүөннэ аахпыттар диэн.  Ол аата дьон-сэргэ саайтпытын интэриэһиргиир, ааҕар диэн өйдүүбүт.

Онон ааҕааччыларбытыгар биһигини кытта бииргэ буолалларыгар махтанабыт, өссө да сэргэх, сонун матырыйааллары таһаарарга дьулуһуохпут диэн эрэннэрэбит.

«Саха сирэ» хаһыат эрэдээксийэтэ.

+1
4
+1
0
+1
0
+1
0
+1
0
+1
0
+1
0
Бары сонуннар
Салгыы
21 февраля
  • -35°C
  • Ощущается: -35°Влажность: 68% Скорость ветра: 0 м/с

Сообщить об опечатке

Текст, который будет отправлен нашим редакторам: