«Саха сирэ» хаһыат саайтарын ааҕааччылар ахсааннара элбээн иһэр

«Саха сирэ» хаһыат sakha-sire.ru уонна edersaas.ru саайтарын ааҕааччы сыл ахсын элбээн иһэрэ бэлиэтэнэр.

Манна хаһыат үлэһиттэрин күннээҕи сонуннарыттан саҕалаан интервьюлар, дьоҥҥо-сэргэҕэ туһалаах сүбэлэр, ыйытыыларга хоруйдар, ааҕааччыларбыт суруктара, билиини-көрүүнү хаҥатарга аналлаах матырыйааллар, тургутуктар, кэпсээннэр, уо.д.а. тиһиктээхтик тахсаллар.

Хаһыат бу саайтарыгар тахсар сонуннары, кэпсээннэри, тургутуктары, сүбэлэри дьон сэргиир, сэҥээрэр, кэтэһэр.

Туһааннаах бырагыраама көрдөрүүтүнэн, 2025 сыл түмүгүнэн, sakha-sire.ru саайтка тахсыбыт матырыйааллары барытын холбоон 16,54 мөл. аахпыттара бэлиэтэнэр. Онтон edersaas.ru саайтка просмотр  — 7,7 мөл. тиийбит.

Бу ааҕааччыларбыт сонуннары сэргээн ааҕалларын көрдөрөр.