Бу күннэргэ «Азия оҕолоро» норуоттар икки ардыларынааҕы VIII спортивнай оонньуулары сырдатыыга өрөспүүбүлүкэ иһитиннэрэр-биллэрэр тиһиктэрин бары үлэһиттэрэ бары кыахтарын, болҕомтолорун ууран сырдата сылдьаллар.
«Сахамедиа» холдинг салалтата «ЯСИА» сонуннары тарҕатар ааҕыныстыбатын, «Якутия», «Саха сирэ» хаһыаттарын суруналыыстарыгар эрдэттэн анал пуормалары сакаастаан, суолталаах тэрээһиҥҥэ ох курдук оҥостон бэлэмнэммитэ.
Онон кыһыл футболкалаах айар үлэһиттэри ыраахтан көрдөххүтүнэ, «Саха сирэ» хаһыат суруналыыстара сылдьаллар эбит диэн кэлэн оонньуулар тустарынан бэйэҕит санааҕытын атастаһыҥ, сонуҥҥутун кэпсээҥ. Биһиги эһигини кытта бииргэ үлэлэһэргэ бэлэммит.
Хас биирдии суруналыыс бэйэлэрин сырдатар көрүҥнэрбитин үллэстэн, бу күннэргэ бары спортивнай тэрээһиннэр тустарынан хото сырдата сылдьабыт.
Түгэнинэн туһанан, «Сахамедиа» салалтатыгар айар үлэһиттэргэ, биһиэхэ, болҕомтотун уонна үлэлиирбитигэр бары усулуобуйаны тэрийэригэр истиҥ махталбытын тиэрдэбит. Ол курдук, быйыл Аммаҕа ыытыллыбыт 17-с Олоҥхо ыһыаҕар анал массыына биэрэн, бэйэбит көлөлөөх буолан, бэрт тахсыылаахтык үлэлээн кэллибит. «Саха сирэ», «ЯСИА» суруктаах пуормабытын ыраахтан көрөн, дьоруойдарбыт бэйэлэринэн кэлэн, үлэлэрин билиһиннэрдилэр, сонуннарын үллэһиннилэр. Онон » Азия оҕолоро» спортивнай оонньууларга да үгүс киһи кэлэн санаатын үллэстиэ диэн эрэнэбит.
Саха омук мусукаалынай култууратыгар уһулуччулаах кылааты киллэрбит композиторбыт, Кэбээйи улууһуттан төрүттээх Захар Степанов төрөөбүтэ 95…
Саха сирин олохтоохторо уонна улуус дьаһалталара байыаннай дьайыыга сылдьар биир дойдулаахтарыгар өрүү көмөлөһөллөр. Бу өйөбүл…
«Тута» позывнойдаах Арассыыйа Дьоруойун Андрей Григорьевы СӨ мас-рестлиҥҥэ федерациятын бочуоттаах чилиэнинэн уонна вице-бэрэсидьиэнинэн таллылар. Дастабырыанньаны…
Бу сыл сааскы-сайынҥы кэмигэр «Нерюнгри аэропорда» филиалга саҥа маршрут арыллар диэн СӨ Тырааныспарга уонна суол…
Кэлиҥҥи кэмҥэ агро-оскуолалар эбии үөрэхтээһин хайысхатын таба туһанан, бэйэ бородууксуйатын оҥорон таһаарыыга, оҕону урбаан салаатыгар…
Икки сыл анараа өттүгэр, 2024 сыл олунньу 15 күнүгэр, Арассыыйа Федерациятын Бэрэсидьиэнин Ыйааҕынан байыаннай иэһин…