Салгыы
До выборов президента РФ
00 дней
:
00 часов
:
00 минут
:
00 секунд
«Саха сирэ» хаһыат суруналыыстара быыстапкаҕа күннээтилэр!

«Саха сирэ» хаһыат суруналыыстара быыстапкаҕа күннээтилэр!

08.12.2023, 18:15
Бөлөххө киир:

Бу күннэргэ «Саха сирэ» хаһыакка ахсынньы 14 күнүгэр диэри чэпчэтиилээх сурутуу буола турар.

Чэпчэтиилээх сурутуунан сибээстээн, үгэс быһыытынан, өрөспүүбүлүкэ бэчээтин үлэһиттэрэ «Сахамедиа» холдинг пресс-киинигэр бэйэлэрин оҥоһуктарын, астыыр астарын, быһата, ким тугун сатыырын көрдөрөр быыстапка тэрийэн, ааҕааччыларыгар сурутуу ыытар үгэхстээхтэр. Бу тэрээһиҥҥэ «Саха сирэ» хаһыат суруналыыстара өрүү көхтөөхтүк кытталлар.

Суруналыыстар уран тыл маастардарын быһыытынан эрэ буолбакка, илиинэн оҥоһукка эмиэ бастыҥнар кэккэлэригэр сылдьаллар. «Суруналыыһы атаҕа аһатар» диэн мээнэҕэ эппэттэр. Сүүрэр-көтөр үлэлээх дьон, хантан бокуой булан, холкутук олорон бу оҥоһуктары оҥороллоруттан сөҕөҕүн эрэ.

Ол курдук, суруналыыс Ангелина Васильева хаһыаппытыгар өрүү эмтээх отторго сүбэ биэрэрин таһынан, бэлиэ күннэргэ минньигэс битэмииннээх чэйинэн күндүлүүр.

Маны таһынан, Ангелина араас киэргэллэри оҥорор. Манна эмиэ бириэмэ наада.

Кини илиинэн үлэлэрин атыыга өрүү хамаҕатык батарар.

Оттон дьүөгэлиилэр Айтана Аммосова уонна Ульяна Захарова быйыл Саҥа дьыллааҕы оонньуурдары сиэдэрэйдик оҥорон аҕалан барыбытын соһуттулар.

Суруналыыс Айтана Аммосова баатанан маннык оонньуурдары оҥорон сэбиэскэй кэми — оҕо сааспытын санатта.

«Уруккуттан ититнник оонньуурдары оҥоруохпун, айыахпын баҕарабын да, бокуой суох. Онон өрөбүллэрбэр, уоппускабар холкутук бириэмэ анаан үлэлэһэбин. Баатанан үлэ уустук эбит», — диэн санаатын үллэстэр айар куттаах Айтана Аммосова.

Оттон «Саха сирэ» хаһыакка сытыы тиэмэлэри хорутуулаахтык суруйар Ульяна Захарова харыйаны симиир ооньуурдарга араас кыраасканан бэртээхэй сюжеттары урһуйдуур эбит. Бу кини эмиэ оҕо эрдэҕиттэн ымыы оҥосто сылдьар баҕа санаатын, түгэн көһүннэр эрэ, олоххо киллэрэргэ дьулуһар.

Көрөҕүт дуо, хайдахтаах курдук дьэрэкээн оонньуурдарый? Киһи хотуобай курдук ылынар.

Оттон кэллиэгэбит, «Якутия» хаһыат суруналыыһа Федор Григорьев кэргэнэ Лена Григорьева, эмиэ тарбаҕар талааннаах киһи, куукунаҕа туттар араас тэриллэри илиитинэн оҥорон кыттыбыта, хаһыаппыт быыстапкатын эмиэ киэргэттэ, кэрэхсэттэ.  Быыстапкаҕа айымньылаахтык үлэлиир суруналыыстар Александр Тарасов, Анивера Акимова бэйэлэрэ астаабыт астарынан кыттыбыттара, эмиэ хамаҕатык барда. Мин тиийиибэр туох атыыламмытын сураҕын эрэ истэн хаалбытым…

Дьэ, ити курдук, «Саха сирэ» хаһыат суруналыыстара дэгиттэр талааннарын көрдөрөн, суруйар түбүктээх үлэлэриттэн бириэмэ булан, дьону үөрдэр, талааннарын арыйар үтүөкэннээх дьарыктаах дьон.

+1
7
+1
0
+1
0
+1
1
+1
0
+1
0
+1
0
Бары сонуннар
Салгыы
26 февраля
  • -30°C
  • Ощущается: -30°Влажность: 68% Скорость ветра: 1 м/с

Сообщить об опечатке

Текст, который будет отправлен нашим редакторам: