Хаартыска уонна видео - Елена Потоцкая
Бүгүн «Саха сирэ» хаһыат уонна Ем. Ярославскай аатынан түмэл тэрийиилэринэн «Хаһыат уонна мусуойдар: үйэлээх ситим» диэн төгүрүк остуол буолла.
СӨ култуураҕа уонна духуобунаска миниистирэ Афанасий Ноев бу тэрээһини «ханнык да хаһыат ыыта илик бастакы улахан бырайыага» диэн анаан бэлиэтээтэ. Суолталаах тэрээһиҥҥэ өрөспүүбүлүкэ 23 түмэлэ кыттыыны ылла.
Тэрээһин кыттааччылара бэйэлэрин санааларын атастастылар. СӨ урбаан уонна туризм дьыалатын миниистирэ Тимур Ханды мусуой үлэһиттэригэр анаан үлэлэригэр туһаналларыгар анаан бэрт үгүс сүбэни биэрдэ. Ол курдук, кини «ханнык баҕарар сиргэ тиийбит турист, бастатан туран, бу дойду туһунан билсиһиитин мусуойтан саҕалыыр. Онон, туризмы сайыннарыыга улуус уонна нэһилиэк баһылыктарыттан саҕалаан түмэл үлэһиттэрэ болҕомтолорун уураллара наада» диэн бэлиэтээтэ.
Тимур Ханды салгыы мусуойдар бэйэ оҥорбут уус-уран оҥоһуктарыгар «бренд, имидж» курдук хайысхалар сайдыыларыгар олугу ууралларын бэлиэтээтэ.
Төгүрүк остуолга, маны таһынан, «Култуура» национальнай бырайыак чэрчитинэн ааспыт сылга бастыҥ ситиһиилэммит түмэллэри бэлиэтээтилэр. СӨ култура уонна духуобунас сайдыытын министиэристибэтин өрөспүүбүлүкэ түмэллэрин куратора Матрена Филиппова бу туһунан маннык билиһиннэрдэ:
«Саха сирэ» хаһыат «Сэдэх экспонаттар» бырайыага бүгүн 15 чаастан салгыы Ем. Ярославскай аатынан түмэлгэ үлэлиэҕэ. Тэрээһиҥҥэ өрөспүүбүлүкэ мусуойдарыттан кэлбит сэдэх экспонаттары көрүөхпүт. Кэлиҥ, сэргээҥ, көрүҥ-истиҥ.
Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дмитрий Садовников, РФ Бэрэсидьиэнин Владимир Путин пресс-кэмпириэнсийэтин түмүктэринэн Саха…
Бу сыл ахсынньы 18 күнүгэр Уус-Маайа улууһун суута Элдьикээн бөһүөлэгин олохтооҕор РФ ХК 111-с ыстатыйатын…
Былаас бэрэстэбиитэллэрэ, бырамыысыланнас хампаанньаларын салайааччылара уонна байыаннай дьайыы кыттыылаахтара хамсанар кыахтарын сүтэрбит буойуннарга көмө оҥоруутун…
Ахсынньы 23 күнүгэр Дьокуускай бириэмэтинэн күнүс 12:00 чааска Айсен Николаев сыл аайы оҥоһуллар Ил Түмэҥҥэ…
В.П.Решетников аатынан кырдьаҕастар уонна инбэлииттэр өрөспүүбүлүкэтээҕи интэринээт-дьиэлэригэр олорооччулар күннэрэ бэйэ-бэйэтигэр маарыннаһар: биир кэм бэрээдэктээх күннэр,…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Өтөх төҥүргэстээх" …