Хаартыскаҕа Айтана Аммосова түһэриитэ
Бүгүн «Саха сирэ» хаһыат уопсастыбаннай кэрэспэдьиэннэрин кытары көрүстэ.
«Сахамедиа» холдинг медиа-киинигэр көрсүһүү истиҥник ааста. Тэрээһини хаһыат кылаабынай эрэдээктэрэ Александр Тарасов уонна хаһыат эрэдээктэрин солбуйааччы Анивера Акимова иилээн-саҕалаан ыыттылар. Көрсүһүүгэ мустубут уопсастыбаннай кэрэспэдьиэннэр санааларын үллэһиннилэр. Кинилэр хаһыаты көтүппэккэ ааҕалларын, суруйалларын сэргэ, тэрээһиннэргэ көмөлөһөр баҕалаахтарын биллэрдилэр. Дьоһуннаах кэпсэтии буолла, инники былааннар торумнаннылар.
Бу көрсүһүүгэ сылдьан баран, Полина Победа хоһоон суруйан ыытта.
ДЬОҺУННААХ ЫҤЫРЫЫ
/»Саха сирэ хаһыат» уопсастыбаннай кэрэспэдьиэннэри көрүстэ/
Дьоһуннаах ыҥырыы
Дьоһуннаах эйгэҕэ
30 сыл, 50 сыл
Суруйбут дьоннорго
Сырыттым, кыттыстым
Боччуммун киллэрэн.
Кэпсэтэн истэххэ
Кэрэни түстэһэр,
Сиэрдээҕи сырдатар
«Саха сирэ» хаһыаппыт
Кырдьыгы суруйар
Сахалыы тыыннаахпыт!
Көрбөтөх-билбэтэх
Көрдүм мин дьоннорбун,
Сороҕу кууһуохпун
Баҕара санаатым!
Суруйар ыырдаргыт
Күннэтэ кэҥээтин!
«Суруйуу — мас суоруу
Буолбатах» диэччилэр,
Ол эрэн ардыгар
Мас суорбут ордук дуу?
Суруйуу сэрэхтээх —
Кэннэ кээнчэ буолбатар!
ПОЛИНА ПОБЕДА
16.01.2024с.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…