«Саха сирэ» хаһыаты кэрэхсиир киһи үгүс

Бу күннэргэ «Саха сирэ» хаһыат суруналыыстара Бүлүү улууһун нэһилиэктэринэн сылдьан, чэпчэтиилээх сурутуу күннэригэр бэлэмнэнэн, Үлэ уонна Уһуйааччы сылларыгар туһаайыллыбыт тыа сирин олохтоохторун туһунан матырыйааллары хомуйа сылдьабыт.

Хаһыат эрэдээктэрин эбээһинэһин толорооччу Александр Тарасов айар кэлэктиип үлэтин-хамнаһын кэпсээтэ, хаһыат «Эдэр саас» уонна «Саха сирэ» электроннай таһаарыыларын билиһиннэрдэ.

1-кы Күүлэт олохтооҕо Оксана Иванова хаһыат үлэһиттэрэ кэлэллэрин  туһунан бассааптан билэн, көрсүһүүгэ анаан кэлбит. Олоххо көхтөөх киһи орто саастаах дьахталлар «Дьүөгэлэр» кулууптарын салайар. Оксана Мартыновна хаһыат ис хоһоонун билсэн баран, санаатын маннык үллэһиннэ: