Саха сирэ хоруупсуйаны утары үлэтинэн

Саха сирэ Арассыыйа эрэгийиэннэрин ортолоругар хоруупсуйаны утары охсуһууга үлэтинэн рейтиҥҥэ 7 -с миэстэҕэ сылдьар.

Бэлитиичэскэй иһитиннэрии киинэ үөрэтиитин түмүгэр,  Саха сирэ 73 баалы ылан, дойду бастыҥ уон эрэгийиэнигэр киирдэ. Өрөспүүбүлүкэ 10 тыһыынча олохтооҕор 2,3 хоруупсуйа буруйа бэлиэтэммит. 2022 сылтан ыла 23 дуоһунастаах дьон итэҕэлэ сүппүтүн иһин үлэтиттэн устубуттар. Рейтинг байыаннай эпэрээссийэ кэмигэр эрэгийиэннэр хоруупсуйаны утары үлэлэрин түмүктэрин хабар уонна аһаҕас статистическай, анаалыстаах чахчылары тэҥнээһиҥҥэ олоҕурар.

Хоруупсуйаны утары охсуһар рейтин хас да көрдөрүүгэ олоҕурбута. Ол иһигэр 10 тыһыынча киһиэхэ тиксэр буруй булуллубут ахсаана, итэҕэли сүтэрбиттэрин иһин үлэлэриттэн уһуллубут судаарыстыбаннай уонна муниципальнай үлэһиттэр ахсааннара, официальнай ресурстарга маннык буруйдар тустарынан информация тиийимтиэтин таһыма, судаарыстыбаннай атыылаһыы бэрээдэгин аһаҕас буолуута киирдилэр. Эрэгийиэн бүтэһик рейтинэ бу көрдөрүүлэр суумаларынан быһаарыллыбыт.

Сиһилии: https://www.sakha.gov.ru/news/18812